PEN International უკრაინის სოლიდარობის ნიშნად აქვეყნებს ღია წერილს, რომელსაც ხელს აწერს 1000-ზე მეტი მწერალი, მათ შორის სვეტლანა ალექსიევიჩი, მარგარეტ ეტვუდი, ბურჰან სონმეზი, სალმან რუშდი, ორჰან ფამუქი, მარია რესა, ოლგა ტოკარჩუკი, ელიფ შაფაქი, კოლმ ტოიბინი. ისინი გმობენ აგრესორი რუსეთის შეჭრას დამოუკიდებელ უკრაინაში და ითხოვენ სისხლისღვრის დაუყოვნებლივ შეწყვეტას:
ჩვენს მეგობრებსა და კოლეგებს უკრაინაში,
ჩვენ, მწერლები მთელი მსოფლიოდან, შეძრწუნებულები ვართ რუსული ძალების მიერ უკრაინის წინააღმდეგ გაჩაღებული ძალადობით და მოვუწოდებთ აგრესორ ხელისუფლებას, სასწრაფოდ შეწყვიტოს სისხლისღვრა.
ჩვენ ერთხმად ვგმობთ უაზრო ომს, რომელიც განაპირობა პრეზიდენტ პუტინის მიერ უკრაინელთა უფლებების მიუღებლობამ – მოსკოვის ჩაურევლად განსაზღვრონ საკუთარი ბედი და აირჩიონ მოკავშირეები.
ჩვენ ერთად ვდგავართ უმძიმეს ვითარებაში მყოფი მწერლების, ჟურნალისტების, ხელოვანებისა და უკრაინელი ხალხის მხარდასაჭერად. თქვენს გვერდით ვართ და ვგრძნობთ თქვენს ტკივილს.
ყველა ადამიანს აქვს თვითგამოხატვისა და მშვიდობიანი შეკრების უფლება. პუტინის ომი თავდასხმაა დემოკრატიასა და თავისუფლებაზე არა მხოლოდ უკრაინაში, არამედ მთელ მსოფლიოში.
ჩვენ ერთხმად ვითხოვთ მშვიდობას და ძალადობის წამახალისებელი პროპაგანდის შეწყვეტას.
თავისუფალი და დამოუკიდებელი უკრაინის გარეშე შეუძლებელია ევროპის უსაფრთხოება და თავისუფლება.
მშვიდობა უნდა დამყარდეს.
ხელს აწერენ:
ბურჰან სონმეზი, სვეტლანა ალექსიევიჩი, მარგარეტ ეტვუდი, პოლ ოსტერი, ტსიცი დანგარემბგა, ენტონი დოერი, ჯონათან ფრანცენი,ალექსანდრე ჰემონი, სირი ჰუსტვედტი, იან მარტელი, ჯოის კეროლ ოუტსი, ორჰან ფამუქი, მარია რესა, სალმან რუშდი, ოლგა ტოკარჩუკი, ელიფ შაფაქი, ლუდმილა ულიცკაია.
