თბილისში საახალწლო ილუმინაციების მონტაჟი დაიწყო. ამის შესახებ ინფორმაციას დედაქალაქის მერია ავრცელებს.
გავრცელებული ინფორმაციით, ამ ეტაპზე საახალწლო განათებები რობაქიძის გამზირზე მოეწყო.
“გამომდინარე იქიდან, რომ ქალაქში მოცულობითი სამუშაოებია შესასრულებელი, საახალწლო განათებების მონტაჟი ნოემბრის დასაწყისიდან იწყება და დეკემბრის შუა რიცხვებში სრულდება.
მიმდინარე წელს იგეგმება ახალი ილუმინაციებისა და აქსესუარების მოწყობაც. სამუშაო პროცესის დროს განათებები მხოლოდ სატესტო რეჟიმში ირთვება”,_ აცხადებენ დედაქალაქის მერიაში.
როგორც ცნობილია, სამონტაჟო სამუშაოებს შპს “თბილსერვის ჯგუფი” ახორციელებს.
