გამოცემა The Times-ის ცნობით, უკრაინული MiG-29-ის მებრძოლი პილოტი, მეტსახელად “კიევის აჩრდილი”, რომელმაც ომში არაერთი რუსული თვითმფრინავი ჩამოაგდო, გასულ თვეში, საჰაერო ბრძოლაში დაიღუპა. სიკვდილამდე მან 40-მდე რუსული თვითმფრინავი გაანადგურა.
უკრაინულმა წყაროებმა The Times- ს დაადასტურეს მოიერიშე პილოტის ვინაობა და მისი გარდაცვალება. როგორც გამოცემა წერს, პილოტი, ერთი შვილის მამა, 29 წლის მაიორი, სტეფან ტარაბალკა იყო. მათივე ცნობით, მისი MIG-29, რომლითაც დაფრინავდა 13 მარტს ჩამოაგდეს, თუმცა მანამდე უკრაინული მხარის თანახმად, მან ათეულობით რუსული თვითმფრინავის განადგურება შეძლო, აქედან ექვსის – ომის პირველ დღეს.
გამოცემის წყაროს თქმით, მისი ჩაფხუტი და სათვალე სავარაუდოდ მალე გაიყიდება ლონდონის აუქციონზე, თუმცა დამატებითი დეტალები არ დაუსახელებიათ.
პილოტმა, “კიევის აჩრდილმა” პოპულარობა მოიპოვა მას შემდეგ, რაც უკრაინის მთავრობამ გამოაქვეყნა ვიდეო, სადაც ჩანს მხატვრის შთაბეჭდილება მფრინავზე და ამტკიცებდა, რომ მან ჩამოაგდო ექვსი რუსული თვითმფრინავი შეჭრის პირველ დღეს.
„ხალხი მას კიევის აჩრდილს უწოდებს. და მართალია – ეს UAF [უკრაინის საჰაერო ძალების] ასე დომინირებს ჩვენი დედაქალაქისა და ქვეყნის ცაზე და უკვე კოშმარად იქცა რუსული თვითმფრინავებისთვის“, – ნათქვამია განცხადებაში.
უკრაინელები სოციალურ მედიაში მიესალმნენ პილოტს, როგორც “გმირს” და “მფარველ ანგელოზს”, თუმცა მისი ვინაობა გასაიდუმლოებული იყო. ამის გამო ბევრს მის რეალურად არსებობაში ეჭვი ეპარებოდა და ვარაუდობდენ, რომ ამბავი იყო მითი, რომელიც შექმნილია მორალის ასამაღლებლად, რადგან ქვეყანა იბომბებოდა რუსული ბომბებითა და რაკეტებით. თუმცა, უკრაინული წყაროები ამტკიცებდენ, რომ ის იყო რეალური.
11 მარტს, ტარაბალკას სიკვდილამდე ორი დღით ადრე, უკრაინის გენერალურმა შტაბმა გამოაქვეყნა “მოჩვენების” კიდევ ერთი ფოტო, იგი იჯდა თავისი MiG-29 თვითმფრინავის კაბინაში, თუმცა მისი სახე დამალული იყო სათვალე, ჩაფხუტი და ჟანგბადის ნიღაბი. მას ეწერა რუსებისადმი გაგზავნილი მესიჯი: “გამარჯობა, ოკუპანტე, მოვდივარ შენი სულისთვის!”
The Times წერს, რომ ტარაბალკა, მუშათა კლასის ოჯახში დასავლეთ უკრაინაში, პატარა სოფელ კოროლივკაში დაიბადა. დაამთავრა ხარკოვის საჰაერო ძალების ეროვნული უნივერსიტეტი. ადგილობრივების ინფორმაციით, ის 13 მარტს რუსებთან საჰაერო ბრძოლაში დაიღუპა. მან დატოვა ცოლი ოლენია და რვა წლის ვაჟი იარიკი.
ტარაბალკას სიკვდილის შემდეგ მიენიჭა საბრძოლო მამაცობისთვის, უკრაინის უმაღლესი მედალი ,,ოქროს ვარსკვლავი“ უკრაინის გმირის წოდებით.
უკრაინულმა მხარემ განაცხადა, რომ კონფლიქტის დაწყებიდან დღემდე გაანადგურა 189 რუსული თვითმფრინავი, 155 ვერტმფრენი და 229 დრონი.
მისი გარდაცვალების შემდეგ მისმა მშობლებმა ინტერვიუ მისცეს NPR-ს, სადაც დედამ ნატალიამ აღწერა, თუ როგორ უყურებდა MiG-ის თვითმფრინავებს, რომლებიც მის სახლთან დაფრინავდენ.
“ის ყოველთვის უყურებდა მედესანტეებს საჰაერო წვრთნებში და გარბოდა მათი მიმართულებით, რათა დაენახა სად დაეშვნენ ისინი. ადრეული ბავშვობიდან ის ყოველთვის ოცნებობდა ცაზე, ღრუბლებზე მაღლა ფრენაზე.
ის ყოველთვის უყურებდა მედესანტეებს საჰაერო წვრთნებში. და ის გარბოდა მათი მიმართულებით, რათა დაენახა სად დაეშვნენ ისინი. ადრეული ბავშვობიდან ის ყოველთვის ოცნებობდა ცაზე, ღრუბლებზე მაღლა ფრენაზე”. – ამბობს პილოტის მშობელი ინტერვიუში.
მისი თქმით, როგორც კი ფრენის სკოლა დაამთავრა, სოფლის თავზე დაფრინავდა და მისალმების ნიშნად თავისი MiG-29-ის ფრთებს ატრიალებდა.
„ნებისმიერი შესაძლებლობის შემთხვევაში ის ჩვენს სახლთან ახლოს მოფრინავდა, პატარა აკრობატულ ილეთს აკეთებდა. სოფელში, ყველა იცოდა, რომ სტეპანი დაფრინავს“, – თქვა მან.
სტეფანის მამა ევონი სამშენებლო მუშა იყო და მისი მშობლები წლის დიდ ნაწილს პორტუგალიაში ატარებდნენ და ცდილობდნენ საარსებო წყაროს შოვნას. ევონმა თქვა, რომ უკრაინელი სამხედროები არ აწვდიან მათ დეტალებს მისი ბოლო ფრენის ან მისი გარდაცვალების შესახებ.
”ჩვენ ვიცით, რომ ის მიფრინავდა მისიაზე და შეასრულა თავისი დავალება დაასრულა, მის მერე აღარ დაბრუნებულა. ეს არის მთელი ინფორმაცია, რაც ჩვენ გვაქვს. ” – თქვა მამამ.
