ოზურგეთში გრძელდება თხილის წარმოების ხელშეწყობის პროგრამით გათვალისწინებული სამუშაოები.
კერძოდ, სოფლის განვითარების სააგენტოს რეგიონული სამსახურის წარმომადგენლები ადგილზე ხვდებიან ფერმერებს და ხდება რეგისტრაცია.
დღეს ისინი სოფლების: შემოქედის, ლიხაურისა და ბაილეთის მცხოვრებლებს ხვდებიან. ხდება თხილის ფართობების რეგისტრაცია, არსებული მდგომარეობის გადამოწმება, დაზუსტება.
_პროცესი გასულ წელთან შედარებით , ნაკლებვადიანია. მარტის ბოლოს დასრულდება. შარშან გაცილებით ბევრი სამუშაო იყო, – გვითხრეს აღნიშნულ სამსახურში.
თხილის მფლობელ ფერმერს, ათას კვ. მ. ფართზე, აგრობარათზე დაერიცხება 50 ქულა, რაც 50 ლარის შესატყვისია.
თხილის შესაწამლი პესტიციდების შეძენასთან დაკავშირებით, გასულ წელთან შედარებით, სამინისტრომ გაამკაცრა მიდგომა. კერძოდ, წელს ფერმერებს არ მისცემენ უფლებას, პესტიციდების ნავლად სხვადასხვა სასოფლო-სამეურნეო შრომის იარაღები იყიდონ.
თუ რამდენად შესრულდება ეს მოთხოვნა, მაშინ გახდება ცნობილი, როცა თხილის პლანტაციების შეწამვლის პროცესი დაიწყება და ფერმერები მაღაზიებს მიაშურებენ.
ავტორი
