ითვლება, რომ დილით უზმოზე წყლის დალევა არა მხოლოდ ხელს უწყობს წონის დაკლებას, არამედ სხვადასხვა დაავადებების თავიდან აცილებაშიც დაგეხმარებათ.
ეს მარტივი ჭეშმარიტება ყველამ იცის, თუმცა, როგორც მოგეხსენებათ, მთავარი საიდუმლო დეტალებშია. რა რეჟიმით უნდა მიიღოთ წყალი, რომ ეფექტი მართლაც საგრძნობი იყოს. ამას იაპონური ტრადიცია გვკარნახობს, სადაც წყალი განსაკუთრებულ როლს ასრულებს. იაპონურის გარდა, ტრადიციული მედიცინაც კი გვირჩევს წყლის დალევას გაღვიძებისთანავე: რაც უფრო ადრე, მით უკეთესი.
იაპონური წყლის თერაპია – ძირითადი პრინციპები
- დალიეთ წყალი გაღვიძებისთანავე. დაიწყეთ ერთი ჭიქით და თანდათან გაზარდეთ რაოდენობა. იდეალურ შემთხვევაში, თქვენ უნდა დალიოთ 4 ჭიქა წყალი. თუმცა ვიმეორებთ, ამ რაოდენობას თანდათან უნდა მიაღწიოთ.
- უმჯობესია დალიოთ თბილი ან ოთახის ტემპერატურის წყალი. შეგიძლიათ მასში ახალი ლიმონის წვენი დაამატოთ.
- ამის შემდეგ 45 წუთის განმავლობაში არაფერი ჭამოთ და დალიოთ.
- ყოველი კვება უნდა გაგრძელდეს არაუმეტეს 15 წუთისა. ამის შემდეგ 2 საათის განმავლობაში არაფერს ჭამთ და დალევთ.
რას მოგცემთ ეს გრაფიკი?
უპირველეს ყოვლისა, დანაყრების შეგრძნება, რადგან წყალი ავსებს კუჭს. სულ მცირე, თქვენ არ მოგინდებათ არაჯანსაღი საჭმლის ჭარბად ჭამა, რადგან წყლის ასეთი სისტემით მიღება აქვეითებს მადას. ზოგიერთი კვლევა ადასტურებს, რომ ადამიანები, რომლებიც სვამდნენ მინიმუმ 2 ჭიქა წყალს დილით, 13%-ით ნაკლებს ჭამენ, ვიდრე სხვა ადამიანები.
გარდა ამისა, ამ მეთოდის მიმდევრები ამტკიცებენ, რომ იაპონური წყლის თერაპია ხელს უწყობს სტრესის მოხსნას, ხელს უწყობს წონის დაკლებას, აძლიერებს საჭმლის მომნელებელ სისტემას და, უპირველეს ყოვლისა, უზრუნველყოფს ენერგიას მთელი დღის განმავლობაში, აუმჯობესებს ნაწლავების მუშაობას და ასევე ახდენს მეტაბოლიზმის ნორმალიზებას.
თუმცა, არსებობს მთელი რიგი დაავადებები, რომლებშიც ზედმეტი წყალი ასევე საზიანოა. ამიტომ წყლის რაოდენობის გაზრდამდე მიმართეთ ექიმს!
