გასულ 24 საათში, რუსეთის საოკუპაციო ძალებმა უკრაინის ტერიტორიაზე განახორციელეს 1 სარაკეტო და 46 საავიაციო დარტყმა და ზალპური ცეცხლის რეაქტიული სისტემების გამოყენებით, დაახლოებით 60-ჯერ დაცხრილეს თავდაცვის ძალების პოზიციები და დასახლებული პუნქტები,_ ამის შესახებ ნათქვამია უკრაინის შეიარაღებული ძალების გენშტაბის ინფორმაციაში.
„ბოლო 24 საათის განმავლობაში უკრაინის საჰაერო ძალებმა 14 დარტყმა მიაყენეს მტრის კლასტერებს. ასევე, ჩამოაგდეს ორი Merlin-ის ტიპის უპილოტო საფრენი აპარატი, Orlan-10 დრონი და რვა ლანცეტის ტიპის კამიკაძე. ჩამოაგდეს სარაკეტო და საარტილერიო ნაწილები. სამი ელექტრონული საომარი სადგური“, – იუწყება გენერალური შტაბი.
გენშტაბის განცხადებით, ყველაზე მძიმე ბრძოლა მიმდინარეობს ბახმუტისა და მარინკისთვის. დაძაბული მდგომარეობაა ავდიივკაშიც.
უკრაინელი დამცველების თქმით, რუსეთის მიერ უკრაინის მთელ ტერიტორიაზე მეტი სარაკეტო და საჰაერო დარტყმების განხორციელების ალბათობა კვლავ მაღალია.
