,,მზად არიან, მაგრამ ჩვენც ასევე მზად ვართ, რადგან ჩვენს მიწასა და ტერიტორიაზე ვიმყოფებით“ – ამის შესახებ უკრაინის პრეზიდენტმა, ვოლოდიმირ ზელენსკიმ, დონბასში ვიზიტისას ტელეკომპანია CNN-ს განუცხადა.
ზელენსკიმ აღნიშნა, რომ უკრაინას რუსეთის სრულფასოვანი შემოჭრის შესაძლებლობა 2014 წლიდან აქვს გააზრებული.
„რა თქმა უნდა. ჩვენ ეს ვიცით, 2014 წლიდან ვიცით, რომ ეს შეიძლება იყოს ყოველდღე. ისინი მზად არიან, მაგრამ ჩვენ ასევე მზად ვართ, რადგან ჩვენს მიწაზე და ჩვენს ტერიტორიაზე ვართ” – განუცხადა უკრაინის პრეზიდენტმა CNN– ს.
ასევე ვოლოდიმირ ზელენსკიმ განაცხადა, რომ საჭიროა მეტი იარაღი, მეტი ფული საბრძოლველად და რაც მთავარია, მეტი მხარდაჭერა ნატოში, დასავლეთის სამხედრო ალიანსში გაწევრიანებისთვის, სადაც ერთ წევრზე თავდასხმას ყველას პასუხობს.
”თუ ისინი [აშშ] ხედავენ უკრაინას ნატოში, მათ ეს პირდაპირ უნდა გააკეთონ და გააკეთონ ეს, არა მარტო სიტყვებით” – განაცხადა ზელენსკიმ CNN– თან.
შეგახსენებთ, რომ უკრაინის აღმოსავლეთ ნაწილში ვითარება კვლავ დაძაბულია. 1-ელ აპრილს უკრაინის პრეზიდენტმა, ვოლოდიმირ ზელენსკიმ რუსეთი უკრაინასთან საზღვარზე კუნთებით თამაშში დაადანაშაულა. 30 მარტს უკრაინის შეიარაღებული ძალების სარდალმა, რუსლან ხომჩაკმა განაცხადა, რომ რუსეთი სამხედრო სწავლებების საბაბით უკრაინის საზღვართან შეიარაღებულ ძალებს კრებს.
