ეგვიპტეში გამართულ გაეროს COP27 კლიმატის სამიტზე, უკრაინამ განაცხადა, რომ აგროვებს მტკიცებულებებს გარემოსდაცვითი დანაშაულების შესახებ, რომლითაც უჩივლებს რუსეთს.
გავრცელებული ინფორმაციით, უკრაინაში რუსეთის შეჭრამ ატმოსფეროში დიდი რაოდენობით სათბური გაზების გაშვება გამოიწვია. გარდა ამისა, უკრაინა ამტკიცებს, რომ განადგურდა მცენარეები და ცხოველები.
“რუსეთმა ჩვენი ბუნებრივი რეზერვები სამხედრო ბაზად აქცია. რუსეთი ყველაფერს აკეთებს ჩვენი და თქვენი ჰორიზონტის შესამცირებლად. ომის გამო კიდევ უფრო მეტის გაკეთება მოგვიწევს კლიმატის კრიზისის დასაძლევად”, – განაცხადა უკრაინის გარემოს დაცვის მინისტრმა.
სტრილეტსი ასევე ამტკიცებდა, რომ უკრაინის აღდგენა გამოიწვევს მნიშვნელოვნად მეტ გამონაბოლქვს, 49 მილიონ ტონამდე ნახშირორჟანგს.
უკრაინა ამბობს, რომ ამ ემისიებზე პასუხისმგებლობა რუსეთმა უნდა აიღოს.
თებერვალში ომის დაწყების შემდეგ, ქვეყანა აცხადებს, რომ შეაგროვა მტკიცებულება 2000 „ეკოლოგიური დანაშაულის“ შესახებ, რომელთა ღირებულება 37 მილიონი ევროა, მათ შორის ტყეების განადგურება, ტოქსიკური გაზების გამოყოფა და წყლის ობიექტების დაზიანება. იგი გეგმავს გამოიყენოს მტკიცებულებები რუსეთისგან მიყენებული ზიანის კომპენსაციის მისაღებად. კითხვაზე, შეძლო თუ არა უკრაინამ შეაფასოს გარემოსდაცვითი ზიანი ახლახან განთავისუფლებულ ხერსონში, ბ-ნმა სტრილეტსმა თქვა, რომ მეცნიერებისთვის ნაადრევია ქალაქის ყველა ნაწილზე წვდომა.
მთავრობა ასევე აცხადებს, რომ საფრთხის ქვეშ იმყოფება დაახლოებით 600 ცხოველი და 750 მცენარე და სოკო, მათ შორის გადაშენების პირას მყოფი სახეობები.
სამიტზე მაღალჩინოსნებმა განაცხადეს, რომ ომის შედეგად, მთავარი მიზანი, ტემპერატურის საშუალო მატების 1.5C-მდე შეზღუდვის მცდელობა შეიძლება იყოს საფრთხის ქვეშ.
