კორუფციის შესახებ გამოძიების ფარგლებში, რიო-დე-ჟანეიროს მერი, მარსელო კრიველა დააკავეს. მას თანამდებობაზე ყოფნის ვადის დასრულებამდე ცხრა დღე ჰქონდა დარჩენილი.
FRANCE 24-ის მიერ გავრცელებული ინფორმაციით, კრიველა ბრალდებას უარყოფს.
“მე ვარ მერი, რომელიც ყველაზე მეტად იბრძოდა რიო დე ჟანეიროში კორუფციის წინააღმდეგ. მე ვთხოვ, რომ სამართლიანობას “, – თქვა კრიველამ.
კრიველა აცხადებს, რომ „პოლიტიკური დევნის“ მსხვერპლია.
გავრცელებული ინფორმაციით, ამავე ოპერაციის ფარგლებში, კიდევ რამდენიმე ადამიანია დაკავებული. მათ შორის, ბიზნესმენი რაფაელ ალვესი, რომელიც კორიფციული დანაშაულის სავარაუდო ორგანიზატორია. ის არის მარსელო ალვეშის ძმა, მუნიციპალური ტურიზმის სააგენტოს Riotur- ის პრეზიდენტი. ასევე დააპატიმრეს მაურო მაკედო, კრიველას ყოფილი კამპანიის ხაზინადარი. ის არის ევანგელური მქადაგებლის ედირ მაკედოს ბიძაშვილი, რომელიც ასევე კრიველას ბიძაა.
2018 წელს დაწყებული გამოძიების თანახმად, კომპანიებმა, რომლებსაც Riotur– თან ხელშეკრულების დადება სურდათ, რაფაელ ალვეშს ჩეკები გადასცეს.
„დანაშაულებრივმა ორგანიზაციამ შეაგროვა მინიმუმ 50 მილიონი რეალი (დაახლოებით $ 10 მილიონი), რაც ჩვენ აღმოვაჩინეთ”, – თქვა გენერალური პროკურორის მოადგილემ რიკარდო რიბეირო მარტინსმა.
ხელახალი არჩევის დროს 63 წლის კრიველამ განაცხადა, რომ მისი მემარჯვენე მეტოქე ედუარდო პაესი, ციხეში მოხვდებოდა კორუფციის გამო.
ცნობისთვის, კრიველა არის ყოფილი პასტორი, მისიონერი და გოსპელის მომღერალი. მას მანდატის განმავლობაში გამოძიება ემუქრებოდა არასათანადო მენეჯმენტის გამო, ბრალი დასდეს პოლიტიკისა და რელიგიის შერევაში და მისი ეკლესიის წევრების სასარგებლოდ.
2018 წლის ივლისში, გაზეთ O Globo- ს თანახმად, კრიველა დაპირდა ევანგელურ მქადაგებლებს, რომ ედირ მაკედოს ღვთის სამეფოს უნივერსალური ეკლესიის წევრებს პრიორიტეტი მიენიჭებოდათ კატარაქტის ოპერაციებისთვის მუნიციპალურ კლინიკებში.
პროკურატურამ ცოტა ხნის წინ გახსნა გამოძიება მაკედოს ეკლესიის ფულის საეჭვო გამოყენების შესახებ.
2014 წლის მსოფლიო თასის ფინალისა და 2016 წლის ოლიმპიური თამაშების მასპინძლობის შემდეგ, რიო პოლიტიკურ და ფინანსურ კრიზისში ჩავარდა.
რიოს შტატის გუბერნატორი ვილსონ ვიცელი აგვისტოში გაათავისუფლეს კორუფციის ეჭვის გამო.
ამავე ბრალდების წინაშე, რიოს ხუთი გუბერნატორი აღმოჩნდა.
სასამართლომ ოთხ მათგანს პატიმრობა მიუსაჯა.
