„ქართული ოცნების“ თავმჯდომარემ, ირაკლი კობახიძემ 30 ივლისს პარტიის ცენტრალურ ოფისში გამართულ ბრიფინგზე ოქტომბრის მოახლოებული ადგილობრივი თვითმმართველობის არჩევნებისთვის მმართველი გუნდის მერობის კანდიდატები წარადგინა.
დასახელებულ 63 კანდიდატს შორის ერთ-ერთი ლანჩხუთის მოქმედი მერი ალექსანდრე სარიშვილია, რომელსაც საკრებულოს წევრი „ევროპული საქართველოდან“ და ექსპერტი თვითმმართველობის საკითხებში ამირან გიგინეიშვილი ადმინისტრაციული რესურსი გამოყენებაში ადანაშაულებს.
საქმე ისაა, რომ ექვს აგვიტოს კეთილმოწყობის სამსახურის ფეისბუქგვერდზე მერისადმი მეეზოვეების წერილი გამოქვეყნდა, სადაც ისინი მერს მადლობას უხდიდნენ მუდმივი ყურადღებისა და დაფასებისთვის.
„ბატონო ალექსანდრე, მადლობა მუდმივი ყურადღებისა და დაფასებისთვის. გვიგულეთ ლანჩხუთის სისუფთავის სამსახურში.
პატივისცემით, ლანჩხუთელი მეეზოვეები“.
ჰოდა, სწორედ აღნიშნული სამადლობელი განცხადებას მიიჩნევს ამირან გიგინეიშვილი გადაცდომად. იგი თვლის, რომ ტექსტის შინაარსში კანონდარღვევაა.
„ალექსანდრე სარიშვილი, თუ არ ვცდები მერობის ოფიციალური კანდიდატია, ხომ? და თუ ასეა, ეს საბიუჯეტო ორგანიზაციის ადმინისტრაციული რესურსის ღია და აშკარა გამოყენებაა“, _ განმარტავს ამირან გიგინეიშვილი.
[sexy_author_bio]
