აღნიშნული თანამდებობა ორი თვის განმავლობაში ვაკანტური იყო.
“ჯერჯერობით გადაწყვეტილი არაფერი არ არის და შესაბამისად, არც დანიშნული ვარ. ამიტომ, ამ ინფორმაციას ვერ დაგიდასტურებთ. ისე, კი მირეკავენ და მილოცავენ… დანიშვნის შესახებ საუბრები არის, მაგრამ ჩემთთვის ეს ჯერ ოფიციალურად არავის არ განუცხადებია. ველოდები და როგორც კი დამიძახებენ, მაშინვე გეტყვით,” _ უთხრა ჩავლეიშვილმა “გურია ნიუსს”.
ელგუჯა ჩავლეიშვილი, საპარლამენტო არჩვენების შემდეგ დაასაქმეს და რამდენიმე თვეა, რაც ანტიტერორისტული ცენტრის ოზურგეთის განყოფილების თანამშრომელად მუშაობს.
სუს-ს გურიის სამსახურს საპარლამენტო არჩევნების შემდეგ აკაკი სიხარულიძე ხელმძღვანელობდა, რომელიც ორი თვეა, რაც ბათუმში გადაიყვანეს და შს სამინისტროს ერთ-ერთ სამმართველოს ხელმძღვანელობს.
ჩავლეიშვილი წლების განმავლობაში ძალოვან სტრუქტურებში სხვადასხვა თანამდებობებზე მუშაობდა. იგი რამდენიმე წელი უშიშროების სამსახურის უფროსი იყო. ასევე, გურიის პოლიციის უფროსის მოადგილეც.
ჩავლეიშვილი თანამდებობიდან 3 წლის წინ, ბახმაროს მიწის სკანდალური ამბების დროს გურიის პოლიციის სხვა მაღლაჩინოსნებთან ერთად გაათავისუფლეს.
