დროებითი მოთავსების იზოლატორებში ის ადამიანები არიან, რომლებსაც სასამართლომ ადმინისტრაციული პატიმრობა შეუფარდა იმ მოტივით, რომ ბრალდებულებმა თანხა ვერ ან არ გადაიხადეს. პატიმრობაში იმყოფება აქციის დროს დაკავებული 20 წლის დიმიტრი ტიტვინიძეც, რომელიც ჩოხატაურის დროებითი მოთავსების იზოლატორში იხდის ადმინისტრაციულ სასჯელს. ჩვენი წყაროს ინფორმაციით, გარდაბნის რაიონის სოფელ მუხრანის მკვიდრ ტიტვინიძეს, სხვა დაკავებულების მსგავსად, სხეულის დაზიანებები აღენიშნებოდა. ერთი კვირის წინ, მას ჩოხატაურის საავადმყოფოში მწვავე აპენდიციტის ოპერაცია ჩაუტარეს. ოპერაციიდან რამდენიმე საათში კი ქუთაისში გადაიყვანეს.
_ ალბათ, დაცვის გამო გადაიყვანეს ქუთაისის საავადმყოფოში. დაზუსტებული ინფორმაცია არ მაქვს, _ გვითხრა ჩოხატაურის საავადმყოფოს დირექტორმა თემურ კოროშინაძემ.
როგორც შევიტყვეთ, ტიტვინიძე ჩოხატაურის დროებითი მოთავსების იზოლატორში ოპერაციიდან მესამე დღეს დააბრუნეს.
_ ყველა საავადმყოფოს თავისი წესი აქვს. დიდი ქალაქებში პაციენტებს უფრო ადრე უშვებენ სახლში, _ ასე უპასუხა კოროშინაძემ ჩვენს კითხვას, თუ რატომ მოხდა ასე მოკლე ვადაში ნაოპერაციევი პაციენტის იზოლატორში გადაყვანა.
_ ბატონო თემურ, აპენდიციტის ოპერაცია ხომ ყველგან ერთნაირად ტარდება… საავადმყოფოდან გაშვების დრო ყველგან სხვადასხვა როგორ არის?
_ ასე ხდება. ეგ არ არის დანაშაული.
_ თქვენ რამდენ ხანში უშვებთ იგივე ოპერაციის შემდგომ პაციენტს?
_ მინიმუმ ხუთ და მაქსიმუმ 7 დღეში, _ გვითხრა ბატონმა თემურმა.
ახალნაოპერაციევი ტიტვინიძე ჯერ არ გამოუშვიათ. თუმცა, ჩოხატაურის დროებითი მოთავსების იზოლატორი 24 ივნისს, ღამის 12 საათზე დატოვეს გიორგი მათიაშვილმა, გიორგი გურგენაძემ, გიგა გავაშელაშვილმა, ირაკლი კვარაცხელიამ და ავთანდილ რიჟამაძემ.
აღსანიშნავია, რომ ამ ადამიანების გათავისუფლების შესახებ ჩვენგან შეიტყო “სახალხო კრების” ჩოხატაურის კომიტეტის თავმჯდომარემ მამია ბარამიძემ, რომელიც ჩვენმა სატელეფონო ზარმა 24 ივნისს, ღამის თორმეტის ნახევარზე გააღვიძა:
_ 26 მაისს დაკავებულ პატიმრებს უშვებენ? მე არაფერი ვიცოდი, ჩემთვის არ უთქვამთ… არ ვიცი, პოლიციასთან რატომ უნდა მივიდე, რა საქმე მაქვს… _ გვითხრა ბარამიძემ, რომელიც მისივე პარტიის ორგანიზებულ მიტინგზეც (21-26 მაისის ჩათვლით) არ ყოფილა. თუმცა, დაგვიდასტურა რომ ამ დრომდე რჩება “სახალხო კრების” ჩოხატაურის კომიტეტის ხელმძღვანელად (?!).
ჩოხატაურის დროებითი მოთავსების იზოლატორში ამჟამად 3 პატიმარი რჩება. მათ შორის, როგორც ზემოთ აღვნიშნეთ ნაოპერაციევი ტიტვინიძე, რომლის ჯანმრთელობის მდგომარეობის შესახებ სასჯელაღსრულების დეპარტამენტში კომენტარს არ აკეთებენ.
P.S. ჩვენი წყაროს ინფორმაციით, ტიტივინიძე 25 ივნისსაც მიიყვანეს საავადმყოფოში _ მას ჭრილობა დაუჩირქდა.
ოპერაციიდან მესამე დღეს _ იზოლატორში!
ნატო გოგელია
გურია ნიუსი
26 მაისის აქციებზე დაკავებული ადამიანების უმრავლესობა ისევ გისოსებს მიღმაა, მათ შორის ნაცემი და ავადმყოფი პატიმრები. დროებითი მოთავსების იზოლატორებში ის ადამიანები არიან, რომლებსაც სასამართლომ ადმინისტრაციული პატიმრობა შეუფარდა იმ მოტივით, რომ ბრალდებულებმა თანხა ვერ ან არ გადაიხადეს. პატიმრობაში იმყოფება აქციის დროს დაკავებული 20 წლის დიმიტრი ტიტვინიძეც, რომელიც ჩოხატაურის დროებითი მოთავსების იზოლატორში იხდის ადმინისტრაციულ სასჯელს. ჩვენი წყაროს ინფორმაციით, გარდაბნის რაიონის სოფელ მუხრანის მკვიდრ ტიტვინიძეს, სხვა დაკავებულების მსგავსად, სხეულის დაზიანებები აღენიშნებოდა. ერთი კვირის წინ, მას ჩოხატაურის საავადმყოფოში მწვავე აპენდიციტის ოპერაცია ჩაუტარეს. ოპერაციიდან რამდენიმე საათში კი ქუთაისში გადაიყვანეს.
_ ალბათ, დაცვის გამო გადაიყვანეს ქუთაისის საავადმყოფოში. დაზუსტებული ინფორმაცია არ მაქვს, _ გვითხრა ჩოხატაურის საავადმყოფოს დირექტორმა თემურ კოროშინაძემ.
როგორც შევიტყვეთ, ტიტვინიძე ჩოხატაურის დროებითი მოთავსების იზოლატორში ოპერაციიდან მესამე დღეს დააბრუნეს.
_ ყველა საავადმყოფოს თავისი წესი აქვს. დიდი ქალაქებში პაციენტებს უფრო ადრე უშვებენ სახლში, _ ასე უპასუხა კოროშინაძემ ჩვენს კითხვას, თუ რატომ მოხდა ასე მოკლე ვადაში ნაოპერაციევი პაციენტის იზოლატორში გადაყვანა.
_ ბატონო თემურ, აპენდიციტის ოპერაცია ხომ ყველგან ერთნაირად ტარდება… საავადმყოფოდან გაშვების დრო ყველგან სხვადასხვა როგორ არის?
_ ასე ხდება. ეგ არ არის დანაშაული.
_ თქვენ რამდენ ხანში უშვებთ იგივე ოპერაციის შემდგომ პაციენტს?
_ მინიმუმ ხუთ და მაქსიმუმ 7 დღეში, _ გვითხრა ბატონმა თემურმა.
ახალნაოპერაციევი ტიტვინიძე ჯერ არ გამოუშვიათ. თუმცა, ჩოხატაურის დროებითი მოთავსების იზოლატორი 24 ივნისს, ღამის 12 საათზე დატოვეს გიორგი მათიაშვილმა, გიორგი გურგენაძემ, გიგა გავაშელაშვილმა, ირაკლი კვარაცხელიამ და ავთანდილ რიჟამაძემ.
აღსანიშნავია, რომ ამ ადამიანების გათავისუფლების შესახებ ჩვენგან შეიტყო “სახალხო კრების” ჩოხატაურის კომიტეტის თავმჯდომარემ მამია ბარამიძემ, რომელიც ჩვენმა სატელეფონო ზარმა 24 ივნისს, ღამის თორმეტის ნახევარზე გააღვიძა:
_ 26 მაისს დაკავებულ პატიმრებს უშვებენ? მე არაფერი ვიცოდი, ჩემთვის არ უთქვამთ… არ ვიცი, პოლიციასთან რატომ უნდა მივიდე, რა საქმე მაქვს… _ გვითხრა ბარამიძემ, რომელიც მისივე პარტიის ორგანიზებულ მიტინგზეც (21-26 მაისის ჩათვლით) არ ყოფილა. თუმცა, დაგვიდასტურა რომ ამ დრომდე რჩება “სახალხო კრების” ჩოხატაურის კომიტეტის ხელმძღვანელად (?!).
ჩოხატაურის დროებითი მოთავსების იზოლატორში ამჟამად 3 პატიმარი რჩება. მათ შორის, როგორც ზემოთ აღვნიშნეთ ნაოპერაციევი ტიტვინიძე, რომლის ჯანმრთელობის მდგომარეობის შესახებ სასჯელაღსრულების დეპარტამენტში კომენტარს არ აკეთებენ.
P.S. ჩვენი წყაროს ინფორმაციით, ტიტივინიძე 25 ივნისსაც მიიყვანეს საავადმყოფოში _ მას ჭრილობა დაუჩირქდა.
