_ მე მაქვს წინასაარჩევნო შეხვედრა ჩემს ამომრჩეველთან, ოზურგეთის საზოგადოებასთან. თანამედროვე საქართველოში წინასაარჩევნო შეხვედრებმა შეიძინა სხვა დატვირთვა. ესაა საინფორმაციო საშუალებები, რომ თქვენი საშუალებით მე მეტი გავაგებინო ჩემს ამომრჩეველს. თვითონ შეხვედრის მასშტაბები არ იძლევა იმხელა საშუალებას, რასაც საინფორმაციო საშუალებები, საინფორმაციო სააგენტოები.
_ ბატონო კობა, რამდენად გაქვთ გამარჯვების იმედი? რა შანსები გაქვთ? თქვენი წინასაწარი პროგნოზი როგორია?
_მე პროგნოზებს არ ვაკეთებ, თვითონ ჩერჩილმა თქვა, რომ პოლიტიკოსის პროფესია მდებარეობს იმაში, რომ გააკეთოს პროგნოზი და მერე აუხსნას ხალხს, რატომ არ გამართლდა ეს პროგნოზი. აქედან გამომდინარე, პროგნოზს არ ვაკეთებ, გავიზარდე ისეთ ოჯახში, სადაც მასწავლეს, რომ ტრაბახი ცუდია. ამიტომ დაყენებული სახით იმის ტრაბახი, რომ გამარჯვებული ვარო, არ შემიძლია, ეს ვერ მოვახერხე და ვერ ვისწავლე, მიუხედავად იმისა, რომ ამდენი ხანია, პოლიტიკაში ვარ. ყველაფერი დამოკიდებულია ხალხზე, მომცემენ ხმას? გავიმარჯვებ, არ მომცემენ? ვერ გავიმარჯვებ. არჩევნებს ვუყურებ მშვიდად, ველოდები ხალხის გადაწყვეტილებას, რატომ უნდა მომცენ ხმა. ეს ხალხს უნდა ახსოვდეს, თუ რაიმე გამიკეთებია, ეს მათ უნდა ახსოვდეთ, ხალხის გადაწყვეტილება კი სამართლიანია, _ გვითხრა დავითაშვილმა.
