იუსტიციის მინისტრმა სამომავლო გეგმებზეც ისაუბრა.
“ჩვენ გვაქვს ძალიან სერიოზული სამომავლო სტრატეგია. ვმუშაობთ სასამართლო რეფორმასა და, ზოგადად, ინსტიტუტების რეფორმაზე. ჩვენი უმთავრესი მიზანია სახელმწიფო მმართველობის ევროპული სისტემა, სადაც ინსტიტუტები დამოკიდებულია არა პიროვნებებზე, არამედ ფუნქციონალურ დემოკრატიულ ინსტიტუტებზე”.
გადაცემის წამყვანი ზეინობ ბადავი დაინტერესდა, წარდგება თუ არა მიხეილ სააკაშვილი სასამართლოს წინაშე უკვე მას შემდეგ, რაც ის საქართველოს პრეზიდენტი აღარ იქნება.
“მე არ ვარ პროკურორი, შესაბამისად, მე ვერ მეცოდინება, რა კითხვები შეიძლება ჰქონდეს საქართველოს პროკურატურას როგორც მიხეილ სააკაშვილის, ისე საქართველოს ნებისმიერი მოქალაქის წინაშე. ერთადერთი, რაც ვიცით, არის ის, რომ პოლიტიკური პარტია “ერთიანი ნაციონალური მოძრაობის” გენერალურ მდივანს, რომელიც მიხეილ სააკაშვილის ხელისუფლებაში შინაგან საქმეთა მინისტრის მოვალეობას ასრულებდა, ძალზე მძიმე ბრალდებები აქვს წაყენებული, რომელთა შორის არის საქმე, რომელიც ადამიანის მკვლელობას ეხება”, _ უპასუხა იუსტიციის მინისტრმა.
