“ორგანიკა” არის ქართული წარმოების ერთადერთი სასუქი, რომელიც შექმნა ექიმმა-ჰომეოპატმა დავით ჩაჩანიძემ. პრეპარატს 8 წლის გამოცდისა და დაკვირვებების შემდეგ მოპოვებული აქვს ორგანული სერტიფიკატი და ოფიციალურად დაშვებულია ეკოლოგიურად სუფთა პროდუქტების მოსაყვანად, როგორც საქართველოში, ისე ევროკავშირის ქვეყნებში.
“ორგანიკა” მზადდება ორგანული ნარჩენებისგან და გამოიყენება ყველა სახის მცენარეებისათვის: ბოსტნეული, ბაღჩეული, მარცვლეული, ხილი, ციტრუსი, ვენახი, თხილი და სხვა კულტურები.
თხევადი ორგანული სასუქი განსაკუთრებით ეფექტურია ორგანულ მეურნეობაში და ნიადაგის თვისებების გასაუმჯობესებელი და რეგენერაციის საშუალებაა.
“ორაგნიკას” რეგულარულად მოხმარების დროს გარანტირებულია:
_ ხარისხიანი მოსავალი, შენახვის ვადის გახანგრძლივება;
_ ინტენსიური ყვავილობა, გაცილებით საღი ჯანსაღი და მკვრივი ნაყოფი;
_ ნაყოფის ბუნებრივი არომატი, მეტი რაოდენობით ვიტამინების და შაქრის შემცველობა;
_ მცენარის მეტი გამძლეობა ბუნებრივი სტრესებისადმი;
_ დაბალი ღირებულება, იაფი ტრანსპორტირება და მარტივი გამოყენება;
_ ნიტრატების არარსებობა ნიადაგში, მცენარეებსა და ნაყოფში;
_ ნიადაგში ორგანული შემცველობის ზრდა, ფიზიკო-ქიმიური თვისებების გაუმჯობესება და დაცვა გამოფიტვისგან;
_ მოსავლიანობის მატება 15-20%-ით;
_ არ არსებობს მავნე ეფექტი და უკუჩვენება.
ჩატარებული კვლევების ზოგიერთი მაჩვენებელი და მეცნიერული მონაცემები იძლევა საფუძველს, გაკეთდეს დასკვნა, რომ თხევადი ორგანული სასუქი “ორგანიკა” დადებითად მოქმედებს და ხშირ შემთხვევაში საგრძნობლად აუმჯობესებს ნიადაგის ნაყოფიერების მაჩვენებელს, გამომდინარე იქედან, რომ უკანასკნელი ათწლეულების მანძილზე ნიადაგები განიცდიან გამოფიტვას. მიზანშეწონილია თხევადი ორგანული სასუქის ფართოდ გამოყენება, რითაც უნდა შეივსოს წლების მანძილზე ჰუმუსისა და საკვები ელემენტების დარღვეული ბალანსი.
ამ სასუქის გამოყენება შესაძლებელია დასავლეთ საქართველოს პირობებში თითქმის მთელი წლის განმავლობაში _ იწყება თესლის 10-15 საათიანი დალბობით და გრძელდება ფოთლებზე შესხურებით და ნიადაგში ფესვთა სისტემის მორწყვით.
აღსანიშნავია “ორგანიკას” ის უპირატესობაც ქიმიურ სასუქებთან შედარებით, რომ თუ მაგალითად, 1 ჰა სასიმინდე ფართობს ესაჭიროება დაახლოებით 10 ტომარა აზოტოვანი სასუქი (რაც, დაახლოებით, 400-450 ლარი ჯდება) თხევადი სასუქი საკმარისია 5-10 ლიტრის ოდენობით (სულ 30-60 ლარი).
ბესო მჟავანაძე,
ფერმერი, ოზურგეთი, სოფელი ლიხაური
