მის შესახებ ინფორმაცია თითქმის არ იძებნება, თუმცა დაუზუსტებელი ინფორმაციით, მას “ქართული ოცნების” პროექტების მენეჯერის თანამდებობა ეკავა.
გიორგი საბანაძე არ ახსოვს გია ხუხაშვილს, რომელიც ფიქრობს, რომ საბანაძის დანიშვნა წმინდა ტექნიკური გადაწყვეტილება იყო.
“არ ვიცი, არ ვიცნობ სიმართლე გითხრათ, არ მახსოვს ეს ადამიანი. მე ვფიქრობ, ეს წმინდა ტექნიკური გადაწყვეტილებაა, ყოველ შემთხვევაში, ისეთი არავინ არ იყო, რომ თვალში მოგხვედროდა. მნიშვნელოვანი არავინ არ ყოფილა… იმედია, მომავალში მნიშვნელოვანი გახდება,” _ ამბობს ხუხაშვილი.
ინტერნეტსივრცეში მოძიებული ინფორმაციის თანახმად, გიორგი საბანაძე პროფესიით ჟურნალისტია და 30 წლისაა. 2007 წელს ის ინდმეწარმედ დარეგისტრირდა, 2011 წელს კი რეგისტრაცია გააუქმა.
შეგახსენებთ, საქართველოს ყოფილმა პრემიერ-მინისტრმა ბიძინა ივანიშვილმა არასამთავრობო ორგანიზაცია “მოქალაქე” დააფუძნა, რომელსაც თავად უხელმძღვანელებს, ხოლო აღმასრულებელი დირექტორი გიორგი საბანაძე იქნება.
არასამთავრობო ორგანიზაციის მიზნებში წერია, რომ მისია ქვეყანაში სამოქალაქო საზოგადოების განმტკიცებაა.
