დიასპორის საკითხებში სახელმწიფო მინისტრის პოსტზე წარდგენილი გელა დუმბაძე ამ დრომდე ამავე სამინისტროში მინისტრის მოადგილის პოსტს იკავებდა.
მისი ქონებრივი დეკლარაცია 2014 წლის 9 ივნისს არის შევსებული.
დეკლარაციის მიხედვით, გელა დუმბაძე ფლობს 90.0 კვ.მ ფართობის ბინას თბილისში, ძოწენიძის ქ. #14-ში;
50%-იანი წილის მფლობელია, თბილისში, მუხათწყაროში 600.0 კვ.მ ფართობის მიწის ნაკვეთის.
ასევე, ჩოხატაურის რაიონის სოფელ ზენობანში, 150 კვ.მ ფართობის აგარაკის 33%-იან წილს;
მეუღლე, ირინა სულთანიშვილი ფლობს 33%-იან წილს, 100.0 კვ.მ ფართობის ბინაში, თბილისში, ალ. ყაზბეგის 41-ში;
ამავე მისამართზე, ირინა სულთანიშვილი ფლობს 78.ო კვ.მ-ის ფართობის სხვენს.
გელა დუმბაძეა 100%-იანი წილის მფლობელი პირადი ფერწერული ტილოების _ "მიყვარს ვაშლი“, "მსხლები“,"მისტიური ფანჯრები" (ტრიპტიქი), "სამბა", "გემის გასეირნება", "უცნობი ევა“, "მეტალურგიული ქარხნის დამლაგებლები“, "წითელი პარასკევი", "მოსამართლე", თუმცა, ნამუშევრების ღირებულება დეკლარაციაში აღნიშნული არ არის.
გელა დუმბაძის სახელფასო ანგარიშზე, დეკლარაციის შევსების მომენტში თანხა არ ირიცხებოდა.
რაც შეეხება სხვა ანგარიშებს, გელა დუმბაძის სახელზეა, "თი-ბი-სი" ბანკში გახსნილი ანაბარი, სადაც დეკლარაციის შევსების მომენტში 2771.00 დოლარი იყო, ასევე ანაბარი ამავე ბანკში 700.00 ლარის ოდენობით.
მეუღლის, ირინა სულთანიშვილის სახელზეა ანაბარი თი-ბი-სი ბანკში 1300.00 დოლარის ოდენობით.
დეკლარაციის თანახმად, გელა დუმბაძეს შემოსავლის სახით, უკრაინაში საქართველოს საელჩოდან და უზბეკეთში საქართველოს საელჩოდან, სადაც მას დიპლომატის და უფროსი მრჩევლის თანამდებობები ეკავა, 37500.00 დოლარი აქვს მიღებული.
ასევე, გელა დუმბაძის სახელზეა შემოსავალი 57500.00 დოლარის ოდენობით, რომელიც მან 2013 წლის 28 ივნისს ბინის გაყიდვით მიიღო, თუმცა, ამავე წლის 5 ივლისს მის სახელზეა გაფორმებული ბინის ნასყიდობის ხელშეკრულება, რომელიც მან 60000.00 დოლარად შეიძინა.
