რუსეთის პრეზიდენტი ვლადიმერ პუტინი აქამდე ყოველთვის ახერხებდა რუსულ ძალოვან სტრუქტურებს შორის ბალანსის დაცვას. ახლა ეს ბალანსი დარღვეულია.
ნებისმიერი ტირანის მთავარი თავის ტკივილი იმ ძალოვნების კონტროლია, რომლებსაც ის ეყრდნობა ხელისუფლების უზურპაციის დროს. საკმარისია გავიხსენოთ, რომ რომის იმპერატორების უმრავლესობა პრეტორიანელების ხელი დაეცნენ, რუსი მეფეები _ გვარდიელების ხელით. სწორედ გვარდიელები იყვნენ პირველები, რომლებიც იმპერატორს ღალატობდნენ, და ამ კუთხით არც ნიკოლოზ მეორე აღმოჩნდა გამონაკლისი.
სტალინი საკუთარ კონტროლს ნკვდ-ში პერიოდული საკადრო ცვლილებებით ახორციელებდა. სტალინი აგრძნობინებდა ძალოვნებს, რომ მათ ზევით კომუნისტური პარტიის ცენტრალური კომიტეტი დგას, საბოლოო ჯამში კი არმია, რომელსაც ძალოვნები სძულს და პირველივე ბრძანებაზე მათ ნაკუწ-ნაკუწ დაგლეჯს.
პუტინს ყველაფერი საბაზრო კუთხით ჰქონდა გადაწყვეტილი _ მან სპეცსამსახურებში ნამდვილი კონკურენცია შექმნა;ამავე დროს კი მათი რიცხვი რამდენჯერმე გაზარდა.
აი, არასრული სია იმ უწყებებისა, რომლებსაც გააჩნიათ იარაღი და ოპერატიული საქმიანობის უფლება (მოსმენები, დევნა, დაკავება და ა. შ.): МВД, ФСБ, ФСО, ГРУ ГШ МО РФ, МЧС, სახელმწიფო ნარკოკონტროლი, საგამოძიებო კომიტეტი, პროკურატურა; საერთოდ ცალკე დგანან კადიროვის შეიარაღებული ფორმირებები. ყველა ეს სტრუქტურა საკმაოდ ძლიერი და ავტონომიურია, თანაც ერთმანეთი სძულთ. და რაც ყველაზე ყურადსაღებია _ არმია, არც თუ ისე ძლიერი უწყება ამ სიაში.
პუტინის მთელი თმაში იმაში მდგომარებდა, რომ ის ახერხებდა ამ უწყებებს შორის ბალანსის დაცვას.
მე ისეთი შთაბეჭდილება შემექმნა, რომ ბორის ნემცოვის მკვლელობამ ეს მყიფე თანასწორობა დაარღვია. და ახლა შეიქმნა ორი კოალიცია _ ერთი მხრივ, ФСО და კადიროველები, რომლებმაც ეს ოპერაცია განახორციელეს, და მეორე მხრივ, ФСБ и МВД, რომლებსაც გააჩნიათ იმის მტკიცებულება, რომ ეს გააკეთეს პირველებმა.
აშკარაა, რომ ამ მტკიცებულებებს შორის არის ინფორმაცია მკვლელობის შემკვეთის შესახებ. და ახლა МВД და ФСБ, საკუთარი სიჩუმის სანაცვლოდ ითხოვენ პირველ კოალიციაში შემავალი სტრუქტურების შესუსტებას, ან სულაც განადგურებას.
მე, ალბათ, იდეალისტი ვარ, მაგრამ მინდა მჯეროდეს, რომ ეს კოალიციებად დაყოფა დაკავშირებულია ორი ჩეჩნური ომისდროინდელ დაპირისპირებასთან. ამ ომების ვეტერანებს საკუთარი ომი ჯერ კიდევ არ დაუმთავრებიათ და მიაჩნიათ, რომ მათი მეგობრების სისხლისთვის შური არ უძიებიათ.
საჭიროა კი ამ შემთხვევაში განვმარტოთ, რა რისხვას იწვევს პუტინის კეთილდამოკიდებულება კადიროვის მიმართ და ვის მხარეზეა ამ დაპირისპირებაში არმია?
და კიდევ ერთი: შესაძლოა, ხელმძღვანელებმა შეძლონ მორიგება, საშუალო ოფიცრებმა კი _ არ მგონია!
ალფრედ კოხი, რუსეთის ექს ვიცეპრემიერი
