საახალწლო სკანდალი და წლის ლანჩხუთელები

(გურია ნიუსი, ლანჩხუთი) _ ლანჩხუთის მუნიციპალიტეტის ადგილობრივი ხელმძღვანელობის მიერ უკვე ტრადიციად იქცა წლის ბოლოს სხვადასხვა სფეროში წარმატებულ ადამიანთა დაჯილდოება. ტრადიციას საფუძველი 2009 წლის დასასრულს ჩაეყარა. სხვადასხვა ორგანიზაციების ხელმძღვანელობამ თავად შეარჩია გამორჩეული, პროფესიონალი და შრომისმოყვარე ადამიანები, რომლებიც 2010 წელს წლის ადამიანებად დასახელდნენ. ადგილობრივი ხელისუფლების პირველმა პირებმა მათ სამახსოვრო საჩუქრები გადასცეს.
წლის მუსიკის მასწავლებელი _ მარინე ტუღუში, სამუსიკო სკოლის პედაგოგი; წლის მხატვარი _ თენგიზ დარჩია, სამხატვრო სკოლის ხატვის პედაგოგი; წლის საბავშვო ბაღის  მასწავლებელი _ მაია ჩხაიძე, მაჩხვარეთის სააღმზრდელო ჯგუფის უფროსი აღმზრდელი; წლის ბიბლიოთეკარი _ ლამარა იმნაძე, ბიბლიოთეკის ბიბლიოთეკარი; წლის სპეციალისტი კულტურული მემკვიდრეობის დაცვის სფეროში _ მერაბ წულაძე, მეცნიერ-მუშაკი; წლის პედაგოგი _ ნატაშა მათითაიშვილი, ნიგოითის საჯარო სკოლის დირექტორი; წლის მოსწავლე _ ანა ურუშაძე, წყალწმინდის საჯარო სკოლის მე-10 კლასის მოსწავლე; წლის ექიმი _ ვაჟა იმნაძე, სს მ. ჩაჩავას სახელობის სამედიცინო ცენტრის  ანესთეზიოლოგ-რეანიმატოლოგი; წლის მედდა _ ფლორიდა იმნაიშვილი, სს მ. ჩაჩავას სახელობის სამედიცინო ცენტრის ქირურგიის მთავარი მედდა; წლის დამსახურებული კულტურის მუშაკი _ ნანული ჩავლეიშვილი, მუსიკალური სკოლის ლოტბარი; წლის სპორტული გუნდი _ ბავშვთა საფეხბურთო გუნდი “გურია-99”, მწვრთნელი კახა გუჯაბიძე; წლის სპორტსმენი _ მოჭიდავე გოგა კალანდარიშვილი; წლის პოლიციელი _ შმაგი ურატაძე, უბნის ინსპექტორების განყოფილების უფროსი ინსპექტორ-გამომძიებელი, პოლიციის კაპიტანი; წლის დაცვის თანამშრომელი _  დავით ჩხაიძე, დაცვის სამსახურის პოლიციელი; წლის მეხანძრე _ კახა ჯინჭარაძე, სახანძრო დაცვის სამსახურის უფროსი; წლის ელექტრიკოსი _ ანატოლი ბუჩუხიშვილი, სს “ენერგო-პრო ჯორჯიას” ლანჩხუთის მომსახურების ცენტრის ელექტრიკოსი; წლის სპეციალისტი _ პროკობი ყაჭეიშვილი, “ლანჩხუთი-გაზის”  უფროსი სამუშაოთა მწარმოებელი; წლის მუშაკი _ ასლან ჩხაიძე, შპს “ლანჩხუთი სერვისის” თანამშრომელი; წლის მუშაკი _ ავთანდილ ურუშაძე, წყალმომარაგების კომპანიის ლანჩხუთის სერვის-ცენტრის ოპერირებისა და ტექნიკური განყოფილების უფროსი; წლის სოფლის მეურნეობის სპეციალისტი _ გელა ზოიძე, “აგრობიზნეს ცენტრ ლანჩხუთის” დირექტორი; წლის მეწარმე _ ნინო ცალხელიშვილი, შპს “კილის” ხელმძღვანელი; წლის ფერმერი _ ჯონი ფირცხალაიშვილი; წლის მძღოლი _ გურამ კერესელიძე; წლის ვეტერანი _ ალეკო კუკულაძე, აფხაზეთის ომის ვეტერანი.
ამავდროულად, ღვაწლმოსილმა ლანჩხუთელებმა საქართველოს პრეზიდენტისგან საახალწლო საჩუქრები მიიღეს: ნოე ჩხაიძე _ სამამულო ომის ვეტერანი; ალექსანდრე მარგალიტაძე _ სამამულო ომის ვეტერანი; გივი (გიგლა) ქანთარია _ სამამულო ომის მონაწილე; საქართველოს სახელმწიფო დეპარტამენტის ვეტერანთა საქმეების კოორდინატორი; გივი ებრალიძე _ ვეტერანთა საქმეების კოორდინატორი; ალექსანდრე აფხაძე _ სამამულო ომის ვეტერანი; მარიამ ჩხაიძე _ აცანის საჯარო სკოლის დაწყებითი კლასის პედაგოგი; ფათუშა ლომაძე _ ახალსოფლის საჯარო სკოლის დაწყებითი კლასის პედაგოგი; ოლია ჯიჯიეშვილი _ ჩოჩხათის საჯარო სკოლის დაწყებითი კლასის ყოფილი პედაგოგი; მაყვალა გვარჯალაძე _ ლანჩხუთის #1 საჯარო სკოლის დაწყებითი კლასების მასწავლებელი; ნუნუ აფხაზავა _ #1 საჯაროს სკოლის სკოლის ქართული ენისა და ლიტერატურის მასწავლებელი; გია ხუხუნაიშვილი _ ლანჩხუთის კულტურის ცენტრის ფოლკლორის სექტორის ხელმძღვანელი, მთავარი ქორეოგრაფი; ავთანდილ ანთაძე _ “სახალხო განათლების წარჩინებული მოღვაწე”; ნესტან სურგულაძე _ ლანჩხუთის სასწრაფო სამედიცინო სამსახურის მორიგე ექიმი; ამირან ცინცაძე _ სოფლის მეურნეობის მუშაკი, ფერმერი; ზამირა მშვიდობაძე _ ლანჩხუთის მიხეილ ჩაჩავას სახელობის სამედიცინო ცენტრის ექიმი-თერაპევტი.
დაჯილდოვების გარდა, ახალ წელს სკანდალიც ახლდა: გუშინწინ, ლანჩხუთის პოლიციის სამმართველოს შენობასთან მრავალ მოქალაქეს მოეყარა თავი. როგორც გავარკვიეთ, აცანელები დაკავებული ახალგაზრდების გათავისუფლებას ითხოვდნენ. ჩვენთვის ცნობილი გახდა შემდეგი დეტალი: წინასაახალწლოდ, აცანის კულტურის სახლიდან, ერთ-ერთი თანამშრომლის მიერ გადატანილი იქნა მუსიკალური ცენტრი იქვე მდებარე ერთ-ერთ ოჯახში, სადაც ახალგაზრდებმა ახალი წელი გამორჩეულად აღნიშნეს. რა თქმა უნდა, თანამშრომელი ნაახალწლევს ნივთის უკან დაბრუნებას აპირებდა, მაგრამ დილით სამსახურში მისულ განყოფილების უფროსს ცენტრი ადგილზე რომ არ დახვედრია, უფიქრია, მოიპარესო და პოლიციისთვის უცნობებია. სამართალდამცველებმა მუსიკალური ცენტრი იქვე ახლომდებარე სახლში ძალიან იოლად აღმოაჩინეს. შედეგად რამდენიმე ახალგაზრდა დააკავეს, როგორც გვითხრეს, 17-18 წლისები. მოგვიანებით, ჩვენება მისცა კულტურის განყოფილების ხელმძღვანელმა და იმ თანამშრომელმა, ვისი ნებართვითაც კულტურის სახლიდან ნივთი წაიღეს: _ გაუგებრობა მოხდა, სინამდვილეში, მოპარული არაფერი ყოფილა. სამივე დაკავებული ახალგაზრდა თავისუფალია, _ გვითხრა აცანის რწმუნებულმა, ხვიჩა ნიკოლაიშვილმა.