ამ წუთებში ჩოხატაურის მუნიციპალიტეტში, ივლიტას ბიბლიოთეკაში სტუდენტ გიორგი მენაბდის ფოტოების გამოფენა მიმდინარეობს. ფოტოებზე ასახულია 2015 წელს, 13 ივნისს მომხდარ ტრაგედიას შემდეგ განვითარებული მოვლენები. გიორგი თბილისის ივანე ჯავახიშვილის სახელმწიფო უნივერსიტეტის სტუდენტია და კინო-ტელე რეჟისურის ფაკულტეტზე სწავლობს.
"14 ივნისს, დილით წავედი ვერეს ხეობაში და დავიწყე დოკუმენტალური ფილმის გადაღება. უამრავი ფოტო-ვიდეო კადრი გადავიღე. უფრო ვიდეოს გადაღებით ვიყავი დაკავებული. ასევე აქტიურად მივიღე მონაწილეობა ხეობაში ჩატარებული დასუფთავების აქციაში. სადაც სტიქია იყო ყველა ადგილი მაქვს გადაღებული." – ამბობს ჩვენთან საუბრის დროს გიორგი მენაბდე.
"რაც თბილისში მოხდა 13 ივნისის შემდეგ ასეთი, რამ არ მინახავს – ყველა გაერთიანებული იყო და ასეთი სახის სოლიდარობა ქვეყნის მომავლისთვის მეტად მნიშვნელოვანია. ახლაც მახსოვს, როგორ არ უდებდნენ ტოლს გოგონები "დევივით ბიჭებს", განსხვავებას ვერ დაინახავდით ისე მუშაობდნენ და ასუფთავებდნენ ხეობას. რაც მოხდა 13 ივნისს, ეს იყო ჩემთვის დიდი ტრაგედია. როგორც იმ დღეებში იყვნენ გაერთიანებული ქართველები, მინდა, რომ ასე ვიყოთ სულ."- თქვა გიორგი მენაბდემ.
გიორგის ამ ეტაპზე დოკუმენტური ფილმის გაკეთება შეჩერებული აქვს. "სრული მასალა არ მაქვს. მაგალითად 13 ივნისის ღამის კადრები არ მაქვს და ტელევიზიები კიდევ კადრებს არ მაძლევენ. იმედია, რომ ეს პრობლემა მოგვარდება," – გვითხრა გიორგიმ.
ივლიტას ბიბლიოთეკაში გამოფენა დღის ბოლომდე გაგრძელდება. ხვალ კი ა(ა)ი.პ.ა(ა)ი.პ. "ოზურგეთის მუნიციპალიტეტის კულტურის, სპორტისა და ტურიზმის განვითარების ცენტრის"თაოსნობით გამოფენა ქალაქ ოზურგეთში ჩატარდება.
ფოტოების ავტორი: გიორგი მენაბდე
