საქართველოში 2016 წლის საპარლამენტო არჩევნების შედეგები და მისი წინასაარჩევნო გარემო REUTERS-ის ობიექტივში მოხვდა.
"გურია ნიუსი" სტატიის თარგმანს გთავაზობთ.
როგორს REUTERS წერს, ყოფილ საბჭოთა რესპუბლიკაში, საქართველოში, შაბათს, საპარლამენტო არჩევნებში, რომელიც პოლიტიკური სტაბილურობის გამოცდად განიხილება, გამოცხადებული 2 ეგზიტპოლის შედეგების მიხედვით "ქართულმა ოცნებამ" გაიმარჯვა.
მაუწყებლის ინფორმაციით, ნავთობისა და გაზის მილსადენების სრატეგიულად მნიშვნელოვან გზაგასაყარზე მდებარე საქართველო იმედოვნებს, რომ 1 დღესაც ევროკავშირსა და ნატოს შეუერთდება, მიუხედავად იმისა, რომ რუსეთი, მისი კოლონიალური ბატონი ამას კატეგორიულად ეწინააღმდეგება.
REUTERS-ის ცნობით, 2008 წლის შემდეგ რუსეთთან ხანმოკლე ომის შედეგად ქვეყანაში ეკონომიკა და ცხოვრების დონე მკვეთრად შეირყა.
მაუწყებლის ინფორმაციით, 2 ეგზიტპოლების თანახმად "ქართულმა ოცნებამ" რომელიც ხელს უწყობს რუსეთთან მჭიდრო კავშირების დამყარებას არჩევნები მოიგო.
როგორც ცნობილია, ერთ-ერთი საერთაშორისო გამოკითხვის, საერთაშორისო ბაზრის მკვლევარის KANTAR-ის მონაცენებით, მან 53.8 პროცენტი, ხოლო კიდევ 1 საერთაშორისო მკვლევარის GFK-ს მონაცემებით 39.9 პროცენტი მოიპოვა, მაგრამ ორივე კვლევის მიხედვით, მე-2 ადგილზე "ერთიანი ნაციონალური მოძრაობა" დგას.
მაუწყებლის ცნობით, პრემიერ-მინისტრმა, გიორგი კვირიკაშვილმა, თბილისში, ცენტრალურ ოფისთან შეკრებილ მხარდამჭერებს გამარჯვება მიულოცა.
"გილოცავთ საქართველოს დიდ გამარჯვებას,წინასწარი მონაცემებით "ქართული ოცნება" დიდი უპირატესობით ლიდერობს"_განაცხადა კვირიკაშვილმა., რა დროსაც ათობით პარტიის წევრმა ლურჯი ფერის დროშები და ბურთები შეარხიეს.
როგორც REUTERS ვიცე პრემიერმა კახა კალაძემ განუცხადა პარტიას საკუთარი მონაცემები აჩვენა და ხმების 59 პროცენტით გაიმარჯვა.
მაუწყებლის ინფორმაციით, ეგზიტპოლების თანახმად პრორუსულმა "პატრიოტთა ალიანსმა" 150 კაციან პარლამენტში მოსახვედრად საჭირო 5 პროცენტიანი ბარიერი გადალახა.
არეულობა
3.7 მილიონიანი ერის, რომელიც ამერიკის შეერთებული შტატების მოკავშირეა, წინასაარჩევნო გარემოზე ნეგატიური ზეგავლენა მოახდინა თბილისში, ოპოზიციის ლიდერის, გივი თარგამაძის მანქანის გამიზნულმა აფეთქებას, რის შედეგადაც 5 გამვლელი დაშავდა.
გარდა ამისა, ქალაქ გორში წინასაარჩევნო კამპანიის დროს 2 კაცი მოკლეს, ხოლო კენჭისყრის დღეს, სოფელ ყიზილაჯლოში, სამხრეთ-აღმოსავლეთ საქართველოში ოპოზიციის ათობით აქტივისტმა საარჩევნო უბნის შტურმით აღება სცადეს შედეგების გაუქმების მოთხოვნით.
მაუწყებლის ინფორმაციით, "ქართული ოცნება" რომელიც ხელისუფლებაში 2012 წელს მოვიდა, ქვეყნის უმდიდრესი კაცი, ბიძინა ივანიშვილი აფინანსებს, ხოლო "ნაციონალური მოძრაობა" ყოფილმა პრეზიდენტმა, მიხეილ სააკაშვილმა დაარსა.
"მოხარული ვარ, რომ ქართულმა ოცნებამ" მოიგო. მჯერა, რომ ისინი ხალხისთვის კიდევ უფრო მეტს გააკეთებენ"_ამბობს 37 წლის თბილისის მცხოვრებელი, მურმან სანიკიძე.
მაუწყებლის ინფორმაციით, მიუხედავად იმისა, რომ ეკონომიკა იზრდება, ბევრი ქართველი უკმაყოფილოა მათი ცხობრების დონით, რაც ექსპორტისა და ფულადი გზავნილების შემცირებამ გამოიწვია.
როგორც REUTERS წერს, ივანიშვილი, რომელმაც ქონება რუსეთში დააგროვა, 2012 წელს "ნაციონალურ მოძრაობას" 9 წლიანი მმართველობის დამთავრებაში დაეხმარა.
მაუწყებლის ცნობით, 1991 წელს საბჭოთა კავშირის დაშლის შემდეგ ეს იყო ხელისუფლების მშვიდობიანი გზით გადაცემის 1-ლი შემთხვევა, რასაც მოჰყვა სკანდალი ციხეებში პატიმრების არასათანადო მოპყრობის შესახებ გავრცელებული ინფორმაციის გამო და ბრალდებები სააკაშვილის მიმართ,რომელიც დაკავშირებული იყო დასავლეთთან თავისი რეფორმებით და ავტორიტარული მმართველის გზას დაადგა.
REUTERS-ის ცნობით, ყოფილი ხელისუფლების ათობით წევრი ძალაუფლების ბოროტად გამოყენებისა ბრალდებით დააკავეს, ხოლო მათი ნაწილი დასავლეთმა დაადანაშალა სამართლიანობის სელექციურად გამოყენებაში.
გარდა ამისა, სააკაშვილი, რომელიც ახლა რეგიონალური პოლიტიკოსია უკრაინაში, იძებნება სახლში რამდენიმე ბრალდების გამო, მათ შორის ადანაშაულებენ კორუფციაში, რაზეც ის აცხადებს, რომ ბრალდებები პოლიტიკურადაა მოტივირებული.
