გავრცელებული ინფორმაცია, თითქოს მედიის და არასამთავრობო სექტორის აქტიური კრიტიკის გამო, მშენებლობის პროცესი შეწყდა, მცდარი აღმოჩნდა. 4 ოქტომბერს, არჩევნებიდან მე-3 დღეს, საერთო სასამართლოების დეპარტამენტი კონტრაქტორ ფირმასთან # 617 შეთანხმების აქტს აფორმებს. აქტის მიხედვით სახელმწიფოს წილი მშენებლობაში დაახლოებით 20 ათასი ლარით შემცირდა. სხვა პუნქტებში შეთანხმება უცვლელად დარჩა.
საქართველოს იუსტიციის უმაღლესი საბჭოს საერთო სასამართლების დეპარტამენტმა დიღომში მრავალბინიანი სახლის მშენებლობაზე ტენდერი აგვისტოს ბოლოს გამოაცხადა. ტენდერში რომლის ღირებულება 6 120 000 ლარია, კომპანია”ზიმომ”გაიმარჯვა.
“ზიმო” სახელმწიფო უწყებების მიერ გამოცხადებული მრავალმილიონიან ტენდერების მუდმივი გამარჯვებულია.
“გურია ნიუსი” პირველი მედიასაშუალება იყო, რომელმაც მოსამართლეებისთვის ბინების მშენებლობის ფაქტი გააჟღერა. უზენაესმა სასამართლომ “გურია ნიუსს” განუცხადა, რომ რეგიონებიდან სხვადასხვა ტრეინიგებზე ჩამოსულ მოსამართლეებს ეს ბინები დროებით სარგებლობაში გადაეცემოდათ: “ჩვენ ამ მოსამართლეებისთვის ქირას ვიხდით, რაც საკმაოდ ძვირი გვიჯდება. ამიტომ მივიღეთ გადაწყვეტილება, რომ აშენდეს უწყებრივი სახლი, სადაც მოსამართლეები დროებით იცხოვრებენ”, _ განაცხადა უზენაესის სასამართლოს პრესსამსახურის ხელმძღვანელმა ნანა ვასაძემ.
ხელშეკრულებაში, რომელიც საერთო სასამართლოების დეპარტამენტმა კომპანია “ზიმოსთან” გააფორმა, ნათქვამია, რომ ბინა თანადაფინანსების პრინციპით შენდება. ღირებულების 33%-ს ანუ 2 012 838 ლარს სახელმწიფო გადაიხდის, დანარჩენ 67% -ს კი საერთო სასამართლოების თანამშრომლები “საერთო სასამართლოების დეპარტამენტსა და საქართველოს ბანკს შორის გაფორმებული მემორანდუმის საფუძველზე”.
საერთო სასამართლოების დეპარტამენტი მშენებელ კომპანიას 1,5 მილიონი ლარის გადახდას 2012 წლისთვის დაპირდა. დარჩენილ ნახევარ მილიონს კი მომავალ წელს გადაიხდის.
კონტრაქტის მიხედვით მოსამართლეების საცხოვრებელი ბინების მშენებლობა 8 თვეში უნდა დასულდეს, ოროთახიანი ბინა დაახოებით 68 კვმ და უზრუნველყოფილია ინდივიდუალური გათბობის სიტემითა და სხვა სუპერთანამედროვე ტექნიკური აღჭურვილობით.
“გურია ნიუსის” ინფორმაციით, ბინებით, ძირითადად, თბილისში არსებული სასამართლოების მოსამართლეები დაკმაყოფილდებიან. მათი წვლილი საპროცესო გარიგებების დამტკიცების და პოლიტიკური დაჯარიმებების გზით ბიუჯეტის შევსების საქმეში საკმაოდ შთამბეჭდავია.
კოალიცია ქართული ოცნების წევრ თინა ხიდაშელისთვის მიუღებელია მოსამართლეების ბინებზე სახელმწიფო სახსრების ხარჯვა: “არც ერთ შემთხვევაში არ მიამჩნია ეს მიზანშეწონილად. ვერ ვხედავ იმის აუცილებლობას, რომ სახელმწიფომ ბინები აუშენოს იმ ადამიანებს, რომლებსაც სახელფასო და სოცალური მდგომარეობიდან გამომდინარე გარანტირებული ცხოვრება აქვთ. ამასობაში ჩვენ მოსახლეობის ნახევარზე მეტი სიღარიბის ზღვარზე გვყავს. ჩვენ არ ვხოვრობთ იმგვარ ქვეყანაში, სადაც სახელმწიფომ საკუთარ თავს ამგვარი ფუფუნების უფლება უნდა მისცეს. ყოვლად გაუმართლებლად მიმაჩნია ამის გაკეთება”, _ აცხადებს ხიდაშელი “გურია ნიუსთან” საუბრისას.
“გურია ნიუსი” დაინტერესდა მოსამართლეთა ქონებრივი მდგომარეობით. თბილისის სააპელაციო, საქალაქო და უზენაესი სასამართლოების რამდენიმე მოსამართლე შემთხვევითი მეთოდით შევარჩიეთ და თვალი გადადავლეთ მათ ქონებრივ დეკლარაციებს.
თბილისის სააპელაციო სასამართლო
გელა ბადრიაშვილი: თბილისი, ქავთარაძის ქ.1, ბინა 39, ფართობი – 145.0 კვ.მ; ავტოსადგომი _ თბილისი, ქავთარაძის ქ.1, ფართობი- 18.0 კვ.მ; მიწის ნაკვეთი _ გურჯაანის რაიონი, სოფელი კაჭრეთი, ფართობი _ 1400.0 კვ.მ; მიწის ნაკვეთი _ საგარეჯო, ე.წ. კოსტაფეს უბანი, ფართობი – 800.0 კვ.მ; ბინა _ თბილისი, ვაზისუბნის დასახლება,მე-3 მკრ-ნი, მე-2 კვარტ., კორპ.9, ბინა 40.,ფართობი – 31.0 კვ.მ.
კახა მაჭავარიანი, ეკატერინე მაჭავარიანი(მეუღლე): ავტოფარეხი ქ.თბილისი, სანზონა,კორპ.11ბ., ფართობი – 18.0 კვ.მ;
კახაბერ მაჭავარიანი: არასაცხოვრებელი ფართი მცხეთა, სოფ.არაშენდა, ფართობი _ 80.0 კვ.მ;
ეკატერინე მაჭავარიანი: ბინა ქ.თბილისი, სანზონა, კორპ11ბ,ბინა16, ფართობი _ 111.35 კვ.მ;
კახაბერ მაჭავარიანი: ბინა ქ.თბილისი, ნავთლუღის ქ 39-41, ბინა. ფართობი _ 174.59 კვ.მ;
კახაბერ მაჭავარიანი: ავტოფარეხი, ქ. თბილისი, ნავთლუღის ქ39-41, ფართობი _ 15.65 კვ.მ;
კახაბერ მაჭავარიანი: ავტოფარეხი ქ.თბილისი, ნავთლუღის ქ39-41, ფართობი – 13.7 კვ.მ;
კახაბერ მაჭავარიანი: მიწის ნაკვეთი , მცხეთა, სოფ. არაშენდა, ფართობი _ 1889.0 კვ.მ;
კახაბერ მაჭავარიანი: 33.3% მიწის ნაკვეთი, მცხეთა, სოფ.არაშენდა, ფართობი _ 336.0 კვ.მ.
ბესარიონ ტაბაღუა: საცხოვრებელი სახლი რუსთავი, ვაჟა ფშაველას #33, ფართობი _ 300.0 კვ.მ; ბინა თბილისი, გორგასლის #39 ბ 20, ფართობი – 60.0 კვ; მიწის ნაკვეთი რუსთავი, ვაჟა ფშაველას #33,ფართობი _ 600.0 კვ.მ; ავტოფარეხი საქართველო, თბილისი, გორგასლის #39 ბ 20, ფართობი _ 16.0 კვ.მ.
თბილისის სააპელაციო სასამართლოს თავმჯდომარე ვალერიან ცერცვაძე: მიწის ნაკვეთი ბორჯომის რაიონი, სოფ.სადგერი,ფართობი _ 650.0 კვ.მ; ბინა საქართველო, თბილისი, ჯანაშიას ქ.21, ფართობი _125.0 კვ.მ; მიწის ნაკვეთი საქართველო, სოფელი დიღომი, ფართობი _- 2500.0კვ.მ.
უზენაესი სასამართლო
მაია ვაჩაძე: ბინა საქართველო, ქ. თბილისი, ქეთევან წამებულის 67/29, ფართობი – 95.0 კვ.მ;
მაია ვაჩაძე: 50.0% ბინა საქართველო, ქ. თბილისი, ნუცუბიძის III მ/რ, ინტენსიფიკაციის გზის მიმდებარედ, ფართობი _
107.0 კვ.მ, ვტოფარეხი ქ. თბილისი, ქეთევან წამებულის 67, ფართობი – 21.0 კვ.მ, 50.0% ავტოფარეხი _ ქ. თბილისი, ნუცუბიძის III მ/რ, ინტენსიფიკაციის გზის მიმდებარედ, ფართობი _18.0 კვ.მ, მშენებარე ბინა საქართველო, თბილისი, დელისი 3, საბაგირო
გზის ქვედა სადგურის მიმდებარედ, ფართობი _134.0 კვ.მ, მშენებარე ავტოფარეხი საქართველო, თბილისი, დელისი 3, საბაგირო
გზის ქვედა სადგურის მიმდებარედ, ფართობი _ 24.0 კვ.მ.
ზაზა მეიშვილი (უზენაესი სასამართლოს თავმჯდომარის პირველი მოადგილე): მეუღლე ნინო მირზიკაშვილი _ სასოფლო-სამეურნეო მიწის ნაკვეთი საქართველო, მცხეთა, გალავანი, ფართობი _ 1150.0კვ.მ;
ზაზა მეიშვილი: მშენებარე კორპუსში ბინა საქართველო, თბილისი, ბუდაპეშტის I და II შესახვევების #3, #4, #5 და #6, ფართობი _ 167.25კვ.მ; მშენებარე კორპუსში ავტოსადგომი საქართველო, თბილისი, ბუდაპეშტის I და II შესახვევების #3, #4, #5 და #6 , ფართობი _ 20.0 კვ.მ, ავტოფარეხი თბილისი, მუხიანის დასახლება,მიკრო/რაიონი IVა, კორპუსი 13, შენობა #11, ფართობი _ 22.17 კვ.მ, სასოფლო-სამეურნეო მიწის ნაკვეთი გლდანი, სოფელი გიორგიწმინდა, ფართობი _ 877.0 კვ.მ.
კონსტანტინე კუბლაშვილი, უზენაესი სასამართლოს თავმჯდომარე: ბინა საქართველო, თბილისი, ვ.ფშაველას
გამზ 3 კვ. 6ა კორპ. ბ-9, ფართობი _ 55.0 კვ.მ; მარინა მესხი, მეუღლე: ბინა საქართველო, თბილისი, პეკინის ქ. 26/23,ფართობი – 190.0 კვ.მ, მიწის ნაკვეთი საქართველო, თბილისი, ზღვის მიმდებარე ტერიტორია, ფართობი – 1500.0 კვ.მ, მიწის ნაკვეთი საქართველო, ოზურგეთის რაიონი სოფ. შრომა,ფართობი -_ 160.0 კვ.მ, მიწის ნაკვეთი საქართველო, მცხეთის რაიონი, სოფ. წოდორეთი,ფართობი – 1400.0 კვ.მ.
თბილისის საქალაქო სასამართლო
ნატო ხუჯაძე: ბინა თბილისი, ძმები ზუბალაშვილების #36, ფართობი – 44.0 კვ.მ, საცხოვრებელი სახლი საქართველო, თერჯოლის რაიონი, თერჯოლის რაიონი, სოფელი რუფოთი, ფართობი _ 180.0 კვ.მ, მიწის ნაკვეთი საქართველო, თერჯოლის რაიონი, სოფელი რუფოთი, ფართობი – 15.0 კვ.მ, 2.38% არასაცხოვრებელი ფართი. თბილისი, ძმები ზუბალაშვილების ქუჩა #4, ფართობი _ 130.0 კვ.მ.
სერგო მეთოფიშვილი: ბინა თბილისი, კახეთის გზატკეცილი 21, ბინა 6, ფართობი _ 50.16 კვ.მ;
სერგო მეთოფიშვილი: მშენებარე ბინა თბილისი, ჩიხი თარხნიშვილის 1, #7/#9, ფართობი – 78.0 კვ.მ;
დიანა მეთოფიშვილი, მეუღლე: ბინა თბილისი, ჩოლოყაშვილი,კვარტალი 2, კორპუსი 1, ბინა 71, ფართობი – 26.0 კვ.მ
ამჟამად საქართველოს საერთო სასამართლოების მოსამართლეთა თანამდებობრივი სარგოს მინიმალური ზღვარი 2 300 ლარია, ხოლო მაქსიმალური – 5 650 ლარი.
