როგორც წესი, მამაკაცები, მანქანის შერჩევისას, დიდ მნიშვნელობას ანიჭებენ ფორმას, მარკას, სიჩქარეს… არადა, ნამდვილად ღირს იმაზე დაფიქრებაც, როგორი ფერის იქნება თქვენი ავტომობილი.
ფსიქოლოგ დევიდ ლევისის მიხედვით, თქვენი ავტომობილის ფერი დიდად განაპირობებს ირგვლივ მყოფთა შთაბეჭდილებებს თქვენი ხასიათის შესახებ. შავი
შავი ავტომობილის პატრონს ძალიან აღელვებს თავისი ადგილი საზოგადოებაში. ადვილად იღებს გადაწყვეტილებებს და პატივმოყვარეა. უამრავი ნაცნობი ჰყავს, მაგრამ ცოტა _ ახლო მეგობარი. ცხოვრებაში წინა პლანზე აყენებს ორგანიზებულობას და წესრიგს.
ლურჯი
რა უნდა ითქვას იმ ადამიანზე, რომელმაც ლურჯი ფერის ავტომობილი აირჩია? ასეთი ადამიანი ადვილად ეგუება ნებისმიერ კოლექტივს, არის მონდომებული და კეთილსინდისიერი; ბრწყინვალე იდეები არ უჩნდება, რადგან შთაგონება არ წყალობს. იცის, რას ამბობენ მასზე, მაგრამ მაინც ურყევად სჯერა, რომ ღირსეულია.
მწვანე
მწვანე ავტომობილის მფლობელი პრაქტიკული, პუნქტუალური და წინდახედულია. მისთვის სახლი და ოჯახი უფრო მნიშვნელოვანია, ვიდრე კარიერა. არ აქვს შეჯიბრისა და კონკურენციის სურვილი, რაც ეხმარება გაიჩინოს ბევრი კარგი და ერთგული მეგობარი.
წითელი
ის, ვინც აირჩია წითელი ფერის ავტომობილი, თავისი მოქმედების სფეროში მუდამ მწვერვალისკენ ისწრაფვის. საზოგადოებაში პოპულარული, მეგობრული და გულისხმიერია. თავისი ოპტიმიზმის გამო არა ერთხელ ხდება დაცინვის ობიექტი. თუმცა, ეს სულაც არ უშლის ხელს წარმატებით გაუწიოს კონკურენცია მოშურნეებს.
რუხი
ეს ფერი შეესაბამება მაღალი მორალის მქონე პატიოსან ნატურას, რომელსაც აქვს მოვალეობის უძლიერესი შეგნება, ჯანმრთელი ცხოვრების წესი და ხშირად ხდება მაგალითი სხვებისთვის.
ფორთოხლისფერი
ასეთი ფერის მანქანის მყიდველის საქციელი ხშირად მოჩვენებითია, რაც ზოგჯერ სასაცილო მდგომარეობაში აყენებს მას. ისე ჩანს, თითქოს პოპულარობას ეძებს, სინამდვილეში ყურადღება და სითბო აკლია.
ვარდისფერი
ასეთი ფერის ავტომობილი რომანტიკოსებისთვისაა. ვინც ვარდისფერი ავტომობილი შეარჩია, ნაზი, მგრძნობიარე და მუდამ შეყვარებულია. პრაქტიკულ ჩვევებს იმდენად მოკლებულია, რომ საეჭვოა, დაშვებული საბურავის შეცვლა მოახერხოს.
თეთრი
თეთრი ავტომობილის შეძენა, ისე, როგორც შავისა, ხშირად ასოცირდება საზოგადოებაში მისი მფლობელის სოლიდურ მდგომარეობასთან. არის თუ არა ეს ჭეშმარიტება? ვინ იცის! ყოველ შემთხვევაში თეთრი ავტომობილის მფლობელი პატიოსანი, პასუხისმგებლიანი და ცივსისხლიანია. ის დარწმუნებულია თავის ძალებში, რაც უფლებას აძლევს ოპტიმისტურად უყუროს მომავალს.
ვერცხლისფერი
ვერცხლისფერი მანქანის მფლობელი ყოველთვის ფხიზელი გონებით აფასებს თავის საზოგადოებრივ მდგომარეობას. უყვარს, როცა აღტაცებული რჩებიან მისი გემოვნებით და ელეგანტურობით. თუმცა, თავად ძალიან მკაცრია საკუთარი მოქმედებებისა და შეხედულებებისადმი.
ყვითელი
ყვითელი უდარდელი, უზრუნველი ადამიანების ფერია. ვინც ასეთი ფერის ავტომობილს ყიდულობს, ცოტათი ავანტიურისტია და თავისი შესაძლებლობების გახორციელების უძლიერეს აუცილებლობას განიცდის. იგი დარწმუნებულია თავის ძალებში. არის გულითადი, მზრუნველი და მეგობრული; არასოდეს მიგატოვებს გასაჭირში.
