“გურია ნიუსის” ინფორმაციით, აღნიშნული დაწესებულებიდან ჩიხლაძეების ოჯახს ახლახანს დაუკავშირდნენ და უთხრეს, რომ მათ საავამდყოფოს ვალი, 3700 ლარი აქვთ გადასახდელი და თუ არ გადაიხდიან ამ თანხას, საქმე სასამართლომდე მივა.
იური ჩიხლაძის მეუღლე ნინო ჩიხლაძე ჩვენთან საუბრის დროს ამბობს, რომ არ არის, გამორიცხული, თანხის გადაუხდელობის გამო, სახლი დაუყადაღონ.
ნინო ჩიხლაძე: _ ქუთაისიდან დამიკავშირდა ჩემთვის უცნობი პიროვნება და მითხრა, _ თუ არ გადაიხდით თანხას, წინაღმდეგ შემთხვევაში, სასამართლოში გიჩივლებთო. ოზურგეთში კონსულტაცია გავიარე ადვოკატთან და მან მითხრა, _ თუ არ გადავიხდი, არ არის გამორიცხული, რომ სახლზე ყადაღა დაადონ. ათი თვის შემდეგ დაგვირეკეს და საავადმყოფოს იურისტმა მაცნობა, დავალიანება გაქვთ გადასახდელიო. ვკითხე, რა დავალიანებაზე არის საუბარი-მეთქი. მან მიპასუხა, _ საუბარია იმ ხუთ დღეზე, როდესაც ჩემი მეუღლე იწვა საავამდყოფოში, სადაც გარდაიცვალა.
ჩემ მეუღლეს ოპერაცია სხვა საავადმყოფოში გაუკეთდა. თანხა იმ ადამიანმა დაფარა, ვინც ავარია მოახდინა. ამ ადამიანს ვეღარ დავურეკავ, რაც საჭირო იყო, ყველა თანხა დაფარა. ვერ ვხვდები რა მოხდა, ახლა გახდა ცნობილი, რომ თურმე საავამდყოფოს ვალი მქონია, 3700 ლარი, რაც ამ დღეებში უნდა გადავიხადოთ. ეს კი ჩემთვის ძალიან ძნელი გადასახდელია. ძლვის შევისყიდეთ ეს სახლი, სადაც ახლა ვცხოვრობთ, სესხით გვაქვს ნაყიდი, ახლა ვფარავთ და რითი უნდა გადავიხადოთ ეს თანხა, აზრზე არ ვართ.
_ შეტყობინების შემდეგ ქუთაისში არ ჩასულხართ?
_ ვიყავი ჩასული, ვესაუბრე იურისტს. ავუხსენი მას ჩემი მდგომარეობა და ასე მითხრა, ჩვენ შეგვიძლია მოვლაპარაკდეთ და დავუშვათ, ხელფასი თუ გაქვთ, განვადების სახით ჩამოგაკლოთ ხელფასზე და ისე გადაგახდევინებთ მაგ ფულსო.
_ რა გითხრათ, იურისტმა, ათი თვის შემდეგ რატომ შეგეხმიანეთო?
_ ველოდით თქვენ მოსვლას და რადგან არ მოხვედით, შეგეხმიანეთ და ვითხოვთ თანხის დაფარვასო. მეგონა, რომ არაფერი მქონდა გადასახდელი. მიცვალებული გამოგვატანეს და არაფერი უთქვამთ მაშინ.
“გურია ნიუსისთვის” ცნობილი გახდა იმ ტელეფონის ნომერი, რომლითაც ჩიხლაძეების ოჯახს დაუკავშირდნენ. გადავწყვიტეთ, მასტან დაგვეზუსტებინა ინფორმაცია.
_ გამარჯობათ, ქუთაისის კლინიკური საავამდყოფოს იურისტს ვესაუბრებით?
_ ჩვენ წარმომადგენლები ვართ, იურისტები არ ვართ.
_ თქვენი სახელი და გვარი.
_ დავით დოლიძე.
_ ბატონო დავით, თქვენ დაუკავშირდით აწ გარდაცლილ იური ჩიხლაძის ოჯახის წევრებს, მათ თურმე, 3 700 ლარი აქვთ გადასახდელი, თან შეტყობინება თქვენგან 10 თვის შემდეგ მიიღეს.
_ არა, მანამდე იყო მაგათვის თანხის შესახებ ცნობილი. იცით, რითი გარდაიცვალა ეს იური ჩიხლაძე? ავტოსაგზაო შემთხვევის გამო მიიღო ტრავმა და გარდაიცვალა. სხვათაშორის, მისმა ოჯახმა, ვინც მოახდინა ავარია, იმას გამოართვა თანხა, საავადმყოფოს თანხა გვაქვს გადასახდელიო. მაგ კაცს გადახდილი აქვს ეს თანხა, ოჯახის წევრებმა კი არ შეიტანეს საავადმყოფოს ანგარიშზე.
_ რა თანხაზეა აქ საუბარი?
_ არ ვიცი ახლა, ამ წუთას არ მაქვს ინფორმაცია.
_ აქ საუბარია საწოლის თანხაზე თუ ოპერაციის?
_ ვერ გეტყვით, შეგიძლიათ ადგილზე ჩახვიდეთ და გაარკვიოთ საავადმყოფოში. უბრალოდ დაუკვეთეს ორგანიზაციას, რომ მორიგებები გაკეთდეს, რადგან ეტაპობრივად მოხდეს ამ თანხის დაფარვა, ჩვენ შუამავალი ორგანიზაცია ვართ ამ შემთხვევაში.
_ თქვენი ზუსტი ტიტული, რომ ჩაგვაწერინოთ.
_ რაში გაინტერესებს? ტელეფონის ნომერი გაქვთ, სახელი და გვარი იცით (და ამ სიტყვებით სატელეფონო საუბარი შეწყდა. ავტ.)
დავით დოლიძის საუბრის შემდეგ ჩვენ დავუკავშირდით “ალგაგი ბისიაის” პრესამსახურის უფროსს მაია ივჩენკოს. სწორედ, ამ სადაზღვეო კომპანიის დაქვემდებარებაშია ქუთაისის კლინიკური საავამდყოფო, მან გვიპასუხა, რომ მსგავსი პიროვნება იქ არ მუშაობს.
_ მე, ვიკითხე ეს სახელი და გვარი და ასეთი პიროვნება ჩვენთან არ მუშაობს. _ გვითხრა ივჩენკომ.
რაც შეეხება “ალდაგი ბისიაის”, მის დაქვემდებარებაში ქუთაისის კლინიკური საავადმყოფო 2012 წლიდანაა და ჩიხლაძეების საქმის შესახებ მათ არაფერი არ იციან.
