ამის შესახებ, “გურია ნიუსს” დემოკრატიული მოძრაობის” საზოგადოებასთან ურთიერთობის სამსახურის უფროსმა ბაკურ ბაკურაძემ განუცხადა.
“საბჭოს სხდომაზე, ,,დემოკრატიული მოძრაობა-ერთიანი საქართველოს” გენერალურმა მდივანმა ვახტანგ ყოლბაიამ განაცხადა, რომ 1 აგვისტომდე შეატანილი იქნა განცხადება საარჩევნო სუბიექტად დარეგისტრირების შესახებ. ამისთვის საჭირო იყო 25 000-მდე ხელმოწერა. ეს პროცესი უკვე დასრულდა და ვახტანგ ყოლბაიას განცხადებით, 35 000-მდე ხელმოწერაა, რომლის გადამოწმებასაც “დემოკრატიული მოძრაობა” თავად აწარმოებს. 15 აგვისტომდე გვაქვს ვადა, რომ დაზუსტებული ხელმოწერები შევიტანოთ და ცესკო 3 დღის ვადაში გვაცნობებს პასუხს. ასე რომ, არჩევნებისთვის ყველანაირად მზად ვართ, რაც შეეხება პოლიტიკურ გადაწყვეტილებას, ამის შესახებ მალე გახდება ცნობილი”, _ განაცხადა ბაკურ ბაკურაძემ “გურია ნიუსთან”.
შეფახსენებთ, რომ 5 აგვისტოს მონაცემით, ცენტრალურ საარჩევნო კომისიაში 19 პოლიტიკური პარტიაა რეგისტრირებული.
2012 წლის საპარლამენტო არჩევნებში რეგისტრაციაზე განაცხადის შეტანისთვის იმ პოლიტიკურ პარტიებს, რომელთაც პარლამენტში საკუთარი წარმომადგენელი ყავთ, ვადა დღეს, 18:00 საათამდე აქვთ. არაკვალიფიციურ სუბიექტებს კი ცესკო-ში განაცხადის შეტანა 31 ივლისამდე შეეძლოთ.
ცენტრალური საარჩევნო კომისიის ბოლო მონაცემებით, რეგისტრაციაზე შეტანილია 40 პარტიის განაცხადი. მათგან 19 რეგისტრაციაში უკვე გატარებულია.
