ამისთვის, „ნაციონალურ მოძრაობას“ მთელი ღამის მობილიზება დასჭირდა. ჩვენი წყაროს ინფორმაციით, არა მხოლოდ კომისიის წევრებს ამუშავებდნენ, არამედ სოფლის რწმუნებულიც კი, მთელი ღამის განმავლობაში მუნიციპალიტეტის ხელისუფლების კაბინეტში ჰყავდათ.
”გურია ნიუსის” წყაროს ინფორმაციით, საოლქო კომისიიდან დანიშნულ წევრს ლეილა კორიფაძეს, მთელი ღამის განმავლობაში აშანტაჟებდნენ; მიუხედავად იმისა, რომ იგი სხდომაზე მისვლას მაინც გეგმავდა, სხდომაზე აღარ გამოცხადდა.
“გურია ნიუსმა” ფაქტის გადასამოწმებლად ლეილა კორიფაძეს სახლში მიაკითხა, თუმცა როგორც მისმა მეუღლემ გვითხრა, ქალბატონი ლეილა ჩოხატაურში იყოწასული.ზეწოლის ფაქტს არ ადასტურებს ლეილა კორიფაძის მეუღლე ვახტანგ ქინქლაძე, თუმცა არ უარყოფს, რომ მომხდარით გაოგნებულები არიან.
_ჩემი მეუღლე ჩოხატაურიდანაა და იქ არის წასული. თავის სახლში წავიდა. არ ვიცი როდის ჩამოვა.
_ბატონო ვახტანგ, რატომ წავიდა დღეს ჩოხატაურში, როცა დღეს იყო სხდომა და მას ხელახლა ხმა უნდა მიეცა?
_გ ეტყვით ყველაფერს, ლეილა იყო თბილისში, ზუსტად გუშინწინ, გვიან ღამით ჩამოვიდა თბილისიდან, რადგან დაურეკეს, სხდომაა და ჩამოდიო. დილით წავიდა არჩევნებზე და მიიღო მონაწილეობა, მისცა ხმა ნინო თავაძეს, “ქართულ ოცნების” წარმომადგენელს, მერე იქვე დაწერა განცხადება მალევე და დატოვა სხდომა, ანუ გათავისუფლების შესახებ დაწერა განცხადება.
_რატომ დაწერა განცხადება? ანუ ერთ დღეს დაესწრო სხდომას და მერე გათავისუფლების შესახებ დაწერა განცხადება?
_იმიტომ, რომ უნდა წავიდეს თბილისში.
_ განცხადება ქალბატონმა ლეილამ თავისი სურვილით დაწერა თუ დააწერინეს? ანუ დღეს რომ არ დაესწრო ქალბატონი ლეილა სხდომას, ეს მისი განცხადების გამოა?
_ კი. როგორ მიიღებდა მონაწილეობას, როცა გათავისუფლებაზე დაწერილი აქვს განცხადება? ის იმ დღისთვის ჩამოვიდა, რომ ნინოსთვის ხმა მიეცა და დაეფიქსირებინა. ნინო უნდა აერჩია. მერე მისი წასვლის ფაქტი საოლქოში განცხადების დაწერით დააფიქსირა, მოეხსნა მას იმის უფლება, რომ დასწრებოდა არჩვენებს.
_ როდის გაიგო ქალბატონმა ლეილამ, რომ ის ოქმი ბათილად ცნეს?
_ გაოცებული ვართ რა! როგორ ცნეს ბათილად, როცა არჩევნები ჩატარდა სრული კანონის დაცვით? დასრულდა ეს ამბავი და რამდენიმე საათში რა მოხდა, მე არ ვიცი. გაოცებულები დავრჩით. გაოგნებული დავრჩი, როცა გავიგე, რომ ბათილად ცნეს ეს ოქმი. მოძებნეს რაღაც მიზეზები ამისათვის.
_ ბატონო ვახტანგ, გავრცელებული ინფორმაცით, მას მთელი ღამის განმავლობაში აშანტაჟებდნენ და მასზე ზეწოლა ხორციელებოდა. . .
_ მაგი ნამდვილად არ არის სწორი, მე ვერ გეტყვით მაგის შესახებ ვერაფერს. მთელი ღამე ჩვენც აღელვებულები ვიყავით.
