“შინაგან საქმეთა სამინისტრო ღებულობს ინფორმაციას რეგიონებში ფულის დარიგების მასობრივი ფაქტების შესახებ. მიღებული ინფორმაციის მიხედვით, მონაწილე პირები ფულის დარიგებისას კონკრეტული პოლიტიკური სუბიექტის სახელით მოქმედებენ.
პოლიცია აღნიშნული ინფორმაციის გადამოწმებას აწარმოებს.
შინაგან საქმეთა სამინისტრო მოუწოდებს არჩევნებში მონაწილე ყველა პოლიტიკურ პარტიას _ გააკონტროლონ საკუთარი პარტიული სტრუქტურების წარმომადგენლები, რათა არ დაუშვან კანონის უხეში დარღვევა.
იმის გათვალისწინებით, რომ ხვალ ტარდება საპარლამენტო არჩევნები, პოლიცია თავს იკავებს პარტიათა წარმომადგენლების დაბარებისა და დაკითხვისაგან” _ აღნიშნულია სამინისტროს მიერ გავრცელებულ განცხადებაში.
მიუხედავად ამ განცხადებისა, დაზუსტებული ინფორმაციით, რამდენიმე წუთის წინ, “ქართული ოცნების” ათეულობით აქტივისტს უკვე დაუკავშირდნენ პოლიციიდან და მოწმის სახით დაკითხვაზე დაიბარეს.
