“საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის მე-10 მუხლის შესაბამისად საქართველოს მთავრობის წევრს ირაკლი ალასანიას შეუწყდეს საქართველოს ვიცე-პრემიერის მოვალეობის შესრულება.”
ბიძინა ივანიშვილი
თავდაცვის მინისტრმა ირაკლი ალასანიამ გუშინ განაცხადა, რომ რამდენიმე დღის წინ, მასსა და ბიძინა ივანიშვილს შორის საკმაოდ უსიამოვნო საუბარი შედგა. ირაკლი ალასანია საპრეზიდენტო რესპუბლიკის მომხრეა და საკანონმდებლო ცვლილებებს, რაც მნიშვნელოვნად ზღუდავს პრეზიდენტის ფუნქციებს, არ ეთანხმება.
“მე დღესაც არ შემიცვლია პოზიცია და ვემხრობი საპრეზიდენტო რესპუბლიკას ძლიერი საპარლამენტო ზედამხედველობით. ეს არის ის განსხვავება, რაც გვაქვს კოალიციაში შემავალ სხვა პარტიებთან, მაგალითად რესპუბლიკელებთან. რეალურად ეს უნდა გახდეს საზოგადოების გადასაწყვეტი რეფერენდუმზე, პლებისციტზე გატანის გზით.”-განაცხადა ალასანიამ.
მისი თქმით იმის გამო რომ დადგა საპრეზიდენტო არჩევნების წელი, მის პარტიაში დაიწყო მსჯელობა, წამოეყენებინათ თუ არა საპრეზიდენტო კანდიდატი. ალასანიას თქმით, ეს იყო შიდა პარტიული განხილვა და გაიმართა კონსულტაციებიც.
“არ დაგიმალავთ იმასაც, რომ პრემიერ-მინისტრთან საკმაოდ მძიმე საუბარი გვქონდა ამ საკითხზე. პრემიერ-მინისტრს ჰქონდა გარკვეული შეშფოთება, რომ ეს განხილვა ხდებოდა მასთან შეუთანხმებლად . მე ვეთანხმები რომ ეს უნდა იყოს შეჯერებული კოალიციასთან და მის ლიდერთან. მე თავად არ მესიამოვნა, რომ ასეთი უხერხული საუბარი შედგა ჩვენს შორის და გაჩნდა მიზეზი ასეთი უსიამოვნების., თუმცა ეს არ იყო დაძაბული სიტუაცია, ეს იყო ჯანსაღი დიალოგი.”-განაცხადა ირაკლი ალასანიამ გადაცემა ”აქცენტებში”
ჟურნლისტის კითხვაზე, აქვს თუ არა მას პრეზიდენტობის ამბიცია, ირაკლი ალასანიამ განაცხადა, რომ ის ბოლომდეა ჩართული ქვეყნის თავდაცვისუნარიანობის გამტკიცების საქმეში და რეალურად დროც კი არ ჰქონდა, რომ ამაზე სერიოზულად ეფიქრა. ალასანიას თქმით, საერთო კანდიდატზე შეთანხმება კოალიციის და კოალიცის ლიდერის თანხმობით უნდა მოხდეს.
