ხაბურზანიას მტკიცებით, ბევრი მათგანი ისე გარბოდა რომ პარლამენტში ფეხსაცმელებიც კი დატოვეს.
რუსეთიდან ახლახანს დაბრუნებული ხაბურზანია უარყოფს მის შესახებ გავრცელებულ ინფორმაციას თითქოს მიხელ სააკაშვილს მან გაუღო პარლამენტის კარი.
” პოლიტიკური კრეტინიზმია, როდესაც მე მაბრალებენ პარლამენტის კარის გაღებას. ამ ადამიანებიდან დარჩა მხოლოდ ორი ადამიანი – შალვა ნათელაშვილი და ერთი ცნობილი ჟურნალისტი. პარლამენსტს იცავდა სამი კორდონი შინაგანი პოლიციის და ორი სახელმწიფო დაცვის სპეცსამსახურის. როგორ უნდა გამეტარებინა 5 კორდონი. ვიდეო კადრებში კართან იმიტომ ვდგავარ,რომ ყველა გაიქცა, ყველა მინისტრი გაიქცა ამირან გამყრელიძის და ირაკლი მენაღარიშვილის გარდა, ისე გარბოდნენ, რომ ხალხმა იქ ფეხსაცმელები დატოვა. მე შემრცხვა გაქცევის.”_ განაცხადა ხაბურზანიამ გადაცემა “პრეს-პრესში”.
უშიშროების ყოფილმა მინისტრმა იმდროინდელი შინაგან საქმეთა მინისტრი კობა ნარჩემაშვილიც ახსენა, რომელმაც მისი თქმით, არ შეასრულა მასზე დაკისრებული მოვალეობა და არ დააკავა დამნაშავეები.
” შინაგან საქმეთა მინისტრის ფუნქციაში შედიოდა დაეკავებინა კანონდამრღვევები, რატომ არ დააკავა? ჩემს მოვალეობაში კი შედიოდა პრეზიდენტის გაფრთხილება მოსალოდნელი საფრთხის შესახებ.მე გავაფრთხილე პრეზიდენტი გამოსვლამდე რამდენიმე წუთით ადრე, ვუთხარი, რომ კანცელარია იყო აღებული და რამდენიმე წუთში ისინი შემოვიდოდნენ პარლამენტში. მან გადახედა ავთო ჯორბენაძეს და ჰკითხა, – ავთო რამდენი იყო წელს ეკონომიკური ზრდაო? ჯორბენაძემ უპასუხა, 12, 4.% -იო. მაშინ, მე 13%-ს ვიტყვიო, თქვა შევარდნაძემ, იგნორი გაუკეთა ჩემს გაფრთხილებას და გავიდა სიტყვის სათქმელად.”_ განაცხადა ხაბურზანიამ.
მისი თქმით, ბევრი პოლიტიკური ძალისაგან განსხვავებით, ის არ აპირებს პოლიტიკურ კეკლუცობას და პირდაპირ ამბობს, რომ პრორუსულ ძალას წარმოადგენს. მისი თქმით, ამ ძალის მხარდამჭერი საქართველოში დაახლოებით 20%-ია, მათ შორის ნაკლებია ახალგაზრდების წილი.
