“ავსტრიის განვითარების ფონდთან” და “ავსტრიის ფედერალური ტყეების სააგანტოსთან” ერთად ვახორცელებთ ტყეების მდგრადი მართვის სისტემების ჩამოყალიბებას კლიმატის ცვლილების გათვალისწინებით. პროექტს ახორციელებს საქართველოს გარემოს დაცვისა და ბუნებრივი რესურსების სამინისტრო ეროვნულ სატყეო სააგენტოსთან ერთად “ევროკავშირის” ფინანსური თანადგომით. ბორჯომის და ბაკურიანის ტყეებში ვახორცილებებთ ინვენტარიზაციას. ასევე, მართვის გეგმების მოსამზადებელი საველე სამუშაოები უნდა ჩავატაროთ. შემდეგ ამ მონაცემების დამუშავება მოხდება და ბოლოს შემუშავდება ტყეების მდგრადი მართვის გეგმები,” _ განაცხადა ეროვნული სატყეო სააგენტოს უფროსმა ბიძინა გიორგობიანმა.
როგორც პროექტის ავტორები ამბობენ, ზოგადი მიზანი მოსახლეობის საარსებო პირობების გაუმჯობესებაა, ტყის ეკოსისტემების მდგრადი განვითარებისა და კონსერვაციის საშუალებით. პროექტის ხანგრძლივობა 2 წელია 2013-2015 წწ) და შედეგად ტყის მართვის გეგმების გაუმჯობესებული სტრუქტურას მივიღებთ. პროექტის საერთაშორისო პარტნიორი ორგანიზაციები არიან: UNDP – გაეროს განვითარების პროგრამა. ტყის გაშენება). GIZ-გერმანიის ტექნიკური თანამშრომლობის სააგენტო. (ტყის მართვის გეგმა). ADA-ავსტრიის განვითარების სააგენტო.
“პირველი მოსამზადებელი სამუშაოები უკვე ჩატარებული გვაქვს. დავამყარეთ კავშირი ადგილობრივ დაინტერესებულ პირებთან, დავიწყეთ ბაკურიანის სატყეო ოფისის რეაბილიტაცია, მაღალი თანამდებობის პირებისთვის სასწავლო ტური მოვაწყვეთ ავსტრიაში, რათა უკეთ გაცნობოდნენ ავსტრიის პრაქტიკას. მოხარული ვარ, რომ ქართულ მხარესთან მუშაობის საშუალება გვეძლევა. საქართველოსთან 10-წლიანი ურთიერთობის გამოცდილება მაქვს. პირველად სვანეთში ვიყავი. ძნელია პირველივე დანახვისთანავე არ შეგიყვარდეს საქართველო. ამიტომ ძალიან ბედნიერი ვარ, ჩემს წვლილს რომ შევიტან საქართველოს სატყეო მეურნეობის განვითარებაში,” _ ამბობს ავსტრიის ფედერალური ტყეების საერთაშორისო ხელმძღვანლი მიხეილ სუტერი, რომელიც საქართველოში განსახორციელებელი პროექტის ერთ-ერთი ხელმძღვანელია.
პროექტის ფარგლებში კონსულტაციების, კვლევების, ტრენინგების გზით ქართული მხარისთვის გამოცდილების გაზიარებას გეგმავს ავსტრიის სატყეო კვლევითი ცენტრის ხელმძღვანელი პიტერ მაიერი.
“ჩვენს თანამშრომლობას გაეროს კლიმატის ცვლილების კონვენციამ ჩაუყარა საფუძველი. აუცილებელია, ისეთი ტექნოლოგიების დანერგვა, რომ შევძლოთ კლიმატის ცვლილებაზე გავლენა. ჩვენს ქვეყნებს ბევრი საერთო აქვთ. მაგალითად, ჩვენი ქვენების 40 პროცენტი დაფარულია ტყეებით. ავსტრიაში ტყეების 80 პროცენტი კერძო საკუთრებაშია, საქართველოში კი სახელმწიფოს ეკუთვნის. ავსტრიაში ტყის მართვის სხვა სქემაა. ჩვენ არ გვაქვს სეგრეგაცია და ერთნაირად ვუდგებით ყველა ტყეს. ვეცდებით, ჩვენი გამოცილება გაგიზიაროთ ამ მიმართულებით”.
პროექტის -“კლიმატის ცვლასთან ადაპტირებული მდგრადი სატყეო მეურნეობის დაგეგმარება ბორჯომის რეგიონში”- განხორციელებას მნიშვნელოვანს უწოდებს საქართველოს გარემოს დაცვისა და ბუნებრივი რესურსების მინისტრის მოადგილე ნინო შარაშიძე.
“ჩვენს ქვეყანაში ხშირია ისეთი ტიპის კატასტროფები, როგორიცაა: წყალდიდობები, წყალმოვარდნები, ღვარცოფები და ა.შ. სწორედ ამიტომაა საჭირო, შევისწავლოთ საქართველოს ტყეები, გამოვავლინოთ მისი კლიმატის ცვლილებებთან ადაპტაციის შესაძლებლობები, შევაფასოთ ხე-მცენარეთა გამძლეობის ხარისხი, დავგეგმოთ ტყის აღდგენითი და დაცვითი ღონისძიებები. სწორ გზაზე რომ დადგეს სატყეო მეურნეობა და გაძლიერდეს, სწორედ აქ გვჭირდება ჩვენი საერთაშორისო პარტნიორების გამოცდილება,” _ ამბობს ნინო შარაშიძე.
არასამთავრობო ორგანიზაცია “დედამიწის მეგობრების” თავმჯდომარე ნინო ჩხობაძის თქმით, თუ ბორჯომის რეგიონში მოხერხდა პროექტის წარმატებით განხორციელება, მაშინ მართვის სწორი გეგმები გვექნება დანარჩენ რეგიონებშიც.
“მართვის გეგმის მომზადება ძალიან რთული პროცესია. მარტო აღრიცხვა არ კმარა. სახეობრივად სწორად უნდა იყოს ტყე გამოკვლეული. ეს პროექტი გულისხმობს ტყის მართვის გეგმების შემუშავებას არა იმ მეთოდებით, რომელსაც ადრე ვაკეთებდით, არამედ მას კიდევ ერთი ახალი კომპონენტი ემატება, რომელსაც კლიმატის ცვლილებასთან ადაპტაცია ეწოდება. ამას ის უპირატესობა აქვს, რომ გეგმა მიმართული იქნება სახეობების შენარჩუნებაზე”.
ავსტრიის ელჩმა საქართველოში სილვია მეიერ-კაჟბიჩმა პროექტის განხორციელებაში ორივე მხარეს იღბალი უსურვა.
“ავსტრია და საქართველო ძალიან საინტერესო თანამშრომლობით გამოირჩევა. უკვე არსებობს პირადი ურთიერთობების გამოცდილებაც. რატომ ავირჩიეთ სატყეო სექტორი თანამშრომლობისთვის? ჩვენ გვაქვს ძალიან დიდი სატყეო რესურსი და დამოკიდებული ვართ მასზე. ამ შემთხვევაში სქართველოს და ავსტრიას ერთი და იგივე მიზანი აქვს და ამან ორივე ქვეყანას უნდა მოუტანოს წარმატებები. ღვთის მადლით, პროექტს “ევროკავშირი” აფინანსებს და საშუალება მოგვეცემა, ამით კიდევ უფრო გავაღრმაოთ ჩვენს ქვეყნებს შორის კავშირები”.
