“რაც აქ ჩვენ მოვისმინეთ ამ დემაგოგიაზე, რამდენიმე წინადადებას დავამატებ. მთელი ეს ამბავი რაც ახლა მოვისმინეთ კრიმინალურ ავტორიტეტები, რომ მართავენ სასამართლოს და რომ ჩვენ, იმათი გადაწყვეტილებით და კონსულტაციებით ვიღებთ დირექტივებს და ა.შ.
გაგახსენებთ საჯარო სივრცეში კრიმინალურ ავტორიტეტებთან და ქურდებთან ბრძოლას, რომელიც დაიწყო ერთი ძალიან ცნობილი ამბით. გახსოვთ, მოჭიდავეების აქცია იყო, როდესაც ხელისუფლებამ მთავარ კრიმინალურ ავტორიტეტად ქვეყანაში “ჯღანა” გამოაცხადა. მას გამოუცხადა ბრძოლა როგორც ქვეყნის მთავარ მტერს და ბოროტებას. მერე ის მოსამართლე, რომელმაც გაბედა და პროკურორის მოთხოვნისაგან განსხვავებული გადაწყვეტილება გამოიტანა, მეორე დღეს გაათავისუფლეს. უფრო სწორად ამ მოსამართლემ დაწერა განცხადება და თვითონ წავიდა სასამართლოდან. როგორ მოხდა ამ განცხადების დაწერა, ამაზე მერე ბევრი საუბარი იყო. როგორ დაადეს იარაღი და როგორ დააწერინეს განცხადება. ახლა ბოლო ამბავი მინდა გითხრათ შარშანდელი, რაზეც მე საარჩევნო კამპანიის დროს ბევრს ვსაუბრობდი, ახლაც გავიმეორებ, აი ის თქვენს მიერ კრიმინალურ ავტორიტეტად გამოცხადებული “ჯღანა” თქვენი საარჩევნო შტაბის აქტიური წევრი, მე დამსდევდა საარჩევნო კამპანიის დროს, ცდილობდა ჩემი შტაბის წევრებზე ფიზიკურ ზეწოლას, ფიზიკურ ზემოქმედებას და პრობლემების შექმნას.
თქვენი საარჩევნო შტაბის წევრი იყო. თქვენი მეგობარი იყო და თქვენს საარჩევნო პლაკატზე ეხატა ერთ-ერთი ის კრიმინალური ავტორიტეტი, რომელსაც მაშინ მასთან ერთად გამოუცხადეთ ბრძოლა. თქვენს საარჩევნო პლაკატზე იყო, ქუჩებში და მოედნებზე გქონდათ გამოკრული ამ ადამიანის სურათი თქვენს კანდიდატთან ერთად.” _ განაცხადა თინა ხიდაშელმა.
თინა ხიდაშელმა თავის გამოსვლაში პასუხი ჩიორა თაქთაქიშვილსაც გასცა:
“მოგენატრათო, თქვა ქალბატონმა ჩიორამ. მე მინდა გაგახსენოთ, რომ თქვენს პოლიტიკურ გუნდში არიან ის ადამიანები, რომლებიც ქრთამის მიღება-გაცემას, ქრთამით საქმეების მოგვარებას არა თუ ეგუებოდნენ, არამედ მათი პროპაგანდისტები იყვნენ. მათ გვერდში ედგნენ, საპარლამენტო უმრავლესობის წარმომადგენლები. მათთან ერთად იბრძოდნენ. შემიძლია გრძელი სია წარმოგიდგინოთ გიგი წერეთლით, ან თქვენი ჯერ კიდევ მოქმედი პრეზიდენტით დავიწყო, რომ გავაგრძელო იმ ადამიანების ჩამოთვლა, რომელთა გვარი ბევრია, რომლებიც სწორედ შევარდნაძის კორუმპირებული სისტემის ნაწილი იყვნენ. ჩვენ ყოველთვის მათ ოპოზიციაში ვიყავით.
ჩვენთან არ გამოგივათ ოპონირება, საკუთარ გუნდში იოპონირეთ, როდესაც შევარდნაძეს ახსენებთ ხოლმე. ჩვენ არცერთი დღე მასთან ხელისუფლებაში არ გაგვიტარებია.
დიახ, მე პირდაპირ გეუბნებით, არ მახასიათებს მიჩქმალვით, ზურგს უკან საუბრები და ამბების ხლართვა. პირდაპირ გეუბნებით. სანამ არ იქნება სისტემაში ჩამოყალიბებული პოზიცია, სანამ სამართლებრივად არ დადასტურდება, სანამ ყველა კრიტერიუმი არ დაკმაყოფილდება, რომ მაგალითად მოსამართლე ჩემია შეიძლება იყოს სამუდამოდ დანიშნული მოსამართლე ამ ქვეყანაში. ის ნამდვილად არ დაინიშნება სამუდამო მოსამართლედ და ის რაც წერია კანონში, შეგნებულად და სწორად წერია.
მე მესმის, რომ სწორება მოსამართლე ჩემიაზე გქონდათ, რომელმაც მოხსნა რეკორდი მე მგონი მთელს სამყაროში, მარტო საქართველოში კი არა, იმიტომ რომ სასამართლო პროცესზე მობილური ტელეფონით ჰქონდა კომუნიკაცია პროკურატურასთან პატიმრების საშუალებით. როდესაც თვითონ ვერ გაერკვა რა გადაწყვეტილება უნდა გამოეტანა, რა კითხვა დაესვა და შალვა შავგულიძის რომელი შუამდგომლობა დაეკმაყოფილებინა ან არ დაეკმაყოფილებინა. თვითონ რომ ვერ გაერკვა, იმიტომ რომ შალვა ძალიან, უკაცრავად ამ ჟარგონზე, მიმწოლი და პირდაპირი იყო და არგუმენტირებული. ჩემიამ პატიმრებთან მობილური ტელეფონით კომუნიკაცია დაამყარებინა პროკურატურას და მათი დახმარება მიეღო. კი, ასეთ მოსამართლესთან ჩვენ თუ კითხვები გვაქვს, არც თქვენ უნდა გიკვირდეთ და მადლობელი უნდა იყოთ, რომ იმ ბოროტებას, რომელიც თქვენ დაამკვიდრეთ 9 წლის განმავლობაში სასამართლოში, თვალებდახუჭული არ ვიღებთ, ტაშს არ უკრავთ და ლეგიტიმაციას კიდევ უფრო მეტად არ ვზრდით.
იგივე ეხება მაგალითად მოსამართლე კოპალიანს. შემიძლია ის ისტორიებიც გავიხსენო სასამართლოში რა ხდებოდა პროკურატურის მიერ. დღეს ვინმე როგორ ბედავს საერთოდ, სასამართლოს ზეწოლაზე ილაპარაკოს იმ ხალხმა, რომლებიც, კიდევ ერთხელ ვამბობ, შნურით იყავით მიერთებული პროკურატურასთან სასამართლოს დარბაზებიდან. პირდაპირ ტელეფონის შნურით იყავით მიერთებულები. იქ მყოფი პროკურორიც არ იყო საკმარისი იმისთვის, გადაწყვეტილებები მიგეღოთ და თავი გექნიათ ყველაფერზე, რასაც პროკურატურა სასამართლო პროცესზე ამბობდა. ტელეფონი გჭირდებოდათ დამატებით, რომ შემოსულიყო მოქმედებაში. ამიტომ, მე პრობლემა არ მაქვს, რაზეც გინდათ იმაზე ილაპარაკეთ, რაც უფრო მეტი იქნება ასეთი გამოსვლები, პირიქით, მივესალმები. იმიტომ რომ ყოველდღიურად მორიგ, მორიგ, მორიგ ლურსმანს უსვამთ იმ პოლიტიკურ კუბოს, რომელიც გამოთალეთ რამდენიმე წლის წინ და გამოთლასაც აგრძელებთ. ეს არ არის ჩემი პრობლემა, ეს თქვენი პრობლემაა. მაგრამ, მე ფიქრობ, რომ უმრავლესობა შეცდომას უშვებს რაღაც მომენტში, როდესაც რაღაც მომენტში მივიღეთ გადაწყვეტილება, რომ არ გიპასუხოთ. ხანდახან, უნდა გიპასუხოთ, რომ ვინმე მაინც ილუზიებში არ ჩავარდეს და არ გაუჩნდეს იმის განცდა, რომ სამართლიანს და სწორ რაღაცას ლაპარაკობთ.
არასოდეს გიორგი ჩემიას სასამართლო საქართველოში აღარ იქნება. რომელსაც შნურით პროკურატურაზე მიმაგრება სჭირდება.” _ განაცხადა ხიდაშელმა.
