"ოზურგეთის მუნიციპალიტეტის საკრებულოს თანამშრომლებზე განხორციელდა დისციპლინური პასუხისმგებლობის ზომები. მიზეზი არის ის რომ, მათ დაარღვიეს დაწესებულების შინაგანაწესის მოთხოვნები და სამუშაო საათებში არ იმყოფებოდნენ სამსახურში. გაწვდით მათ სახელობით სიას: პაატა ბურჭულაძე, ნინო ერქომაიშვილი, ნონა მდივანი, ნანა თავდუმაძე, ვახტანგ გველებიანი, გია ბაბილოძე, თამილა დოლიძე, ეკა ნანავა, მაკა მეგრელაძე, მიშა შილაკაძე, მაია ნარსია, ქეთინო კვაჭანტირაძე, ნანა უგრეხელიძე, რუსუდან ხაბეიშვილი", _ ეს ინფორმაცია ოფიციალურად "გურია ნიუსს" 2010 წლის 25 დეკემბერს მიაწოდეს. მაშინ, საკრებულოს თავმჯდომარე ალეკო მამეშვილი გახლდათ.
ჩვენს მიერ ჩამოთვლილი საჯარო პირები, დღეს ახალარჩეული ოზურგეთის მუნიციპალიტეტის საკრებულოსა და თვითმმართველი ქალაქის საკრებულოს აპარატის თანამშრომლები არიან.
საქმე ეხება, 28 ოქტომბერს, რესტორან "ფიროსმანში" სამუშაო საათებში საჯარო მოხელეთა ქეიფსა და დროსტარებას.
მაშინ, როცა, ჟურნალისტებისთვის პროფესიული საქმიანობისთვის ხელის შეშლის არაერთი ფაქტი არსებობს, ის საჯარო პირები, რომლებიც საჯარო ინფორმაციას გვიმალავდნენ, საშვებს გვიწესებდნენ, ადმინისტრაციულ შენობაში არ გვიშვებდნენ, სამუშაო საათებში რესტორანში ქეიფობდნენ, დღეს კვლავ თანამდებობებზე რჩებიან.
გამონაკლისია მხოლოდ რამდენიმე პირი.
საკრებულოს თავმჯდომარის თანაშემწედ ყოფილი პროკურორი ია დოლიძე დაინიშნა, რომელიც დავით დარჩიას ახლობელია.
ოფიციალური დოკუმენტის საფუძველზე, დღეს ოზურგეთის მუნიციპალიტეტის საკრებულოს აპარატი ასე დაკომპლექტდა:
საკრებულოს აპარატის უფროსი _ ნანა თავდუმაძე.
საკრებულოს თავმჯდომარის თანაშემწე _ იაკობ დოლიძე.
საორგანიზაციო განყოფილების უფროსი _ ნათია ლომჯარია.
მთავარი სპეციალისტი საოქმო მომსახურების საკითხებში _ გივი ყაზაიშვილი.
მთავარი სპეციალისტი სამართლებრივ უზრუნველყოფის საკითხებში _ ცირა მდინარაძე.
მთავარი სპეციალისტი ორგანიზაციული მომსახურების საკითხებში _ ნონა მდივანი.
მთავარი სპეციალისტი საქმის წარმოების საკითხებში -ნინო ერქომაიშვილი.
მთავარი სპეციალისტი საჯარო ინფორმაციის მენეჯმენტის, პრესასთან და საზოგადოებასთან ურთიერთობის საკითხებში _ ვახტანგ გველებიანი.
სამდივნოს განყოფილების უფროსი _ ავთანდილ გოლიაძე.
მთავარი სპეციალისტი ადამიანური რესურსების მართვაში _ ქეთევან ჭელიძე.
მთავარი სპეციალისტი მატერიალურ-ტექნიკური უზრუნველყოფის საკითხებში _ ტარიელ ჩხარტიშვილი.
მთავარი სპეციალისტი კომპიუტერული უზრუნველყოფის საკითხებში – რუსუდან ხაბეიშვილი.
მდივან რეფერენტი _ მაია ნარსია.
რა კრიტერიუმებით შეარჩიეს მუნიციპალიტეტის საკრებულოში თანამშრომლების დანიშვნა? ამ კითხვით მივმართეთ საკრებულოს თავმჯდომარეს თავით დარჩიას, რომელიც აცხადებს, რომ კადრების დანიშვნა თავიანთ საქმეში გამოცდილებითა და პროფესიონალიზმით მოხდა.
"არცერთი ასეთი ფაქტი არ განმეორდება, გვაცალეთ ერთი თვე, ხომ ხედავთ ჯერ ოთახიც კი არ გვაქვს, მე მკითხეთ და გიპასუხებთ ყველაფერს, თქვენთვის დამალული არაფერი არ იქნება, საშვი დღეს არც საზოგადოებას დასჭირდება.
ჩვენ ჯერ აპარატის თანამშრომლებს ოფიციალურად არ შევხვედრილვართ, ყველას განვუცხადეთ, რომ ჟურნალისტებისთვის 24 საათის განმავლობაში იყოს კარი ღია. პირობას გაძლევთ, თქვენთვის ნებისმიერი საჯარო ინფორმაცია იქნება ხელმისაწვდომი და გამჭვირვალე, ჯერ ესენი კიდევ ძველი მეთოდებით მუშაობენ", _ გვითხრა დავით დარჩიამ.
ბატონო დავით, თქვენი თანაშემწის, მისამართით არსებობს ბევრი კითხვა, არის ნასამართლევი, იქნებ გვითხრათ, როგორ მოხდა მისი დანიშვნა?
_ იაკობ დილიძე, მგონი ამ ადამიანს რაიონი იცნობს დადებითად, მე მიმაჩნია, რომ ის თავისი საქმის ერთერთი საუკეთესო სპეციალისტია, ამას დაგვანახებს კიდეც და მე მჯერა ამის, მას უკავია ძალიან სერიოზული საპასუხისმგებლო თანამდებობა, ის საკრებულოს თანაშემწეა და ამ იმედებს გაამართლებს.
თავად იაკობ დოლიძე გვებნება, რომ ის ნასამათლევი არ არის და და ამის დასამტკიცებლად დამადასტურებელ დოკუმენტს გვაჩვენებს.
რაც შეეხება სხვა კადრებს, დარჩია აღნიშნავს: „იმისთვის, რომ საკრებულო იყოს იდეალური, საჭირო გახდა ძველი კადრების დატოვება.
მე რომ საშტატო ნუსხას გადავხედე ჩემი არჩევის შემდეგ, ერთი რამე აღმოვაჩინე, რომ არის სამუშაო ადგილები, რომელიც სპეციფიურია, ადამაინებს, რომლებსაც თუ არ აქვთ გამოცდილება, ამ სფეროში, ამ საქმეში, ისე რთული იქნებოდა. ჩვენ რომ ახალი კადრები მოგვეყვანა აღნიშნულ თანამდებობებზე, ალბათ წინ ვერ წავიდოდით, თუმცა რამდენიმე ახალი კადრი მაინც დავნიშნეთ სპეციალისტებად. მე სურვილი მაქვს, რომ საკრებულოს აპარატმა იმუშაოს საუკეთესოდ.
_ ანუ თქვენ ამბობთ, რომ ეს ადამიანები არიან გამოცდილები და ამიტომ სხვა ახალი კადროს დანიშვნა, საკრებულოს აპარატის მუშაობას ხელს შეუშლიდა?
_ ეს ადამიანები მე ნამდვილად ვიცი, რომ გამოცდილები არიან ამ კუთხით. არიან ღირსეულები, მე მიმაჩნია, რომ მათ ნამდვილად უნდა გაეგრძელებინათ მუშაობა. ყველას აქვს უზარმაზარი გამოცდილება ამ საქმეში.
_ ბატონო დავით იცით თუ არ ვის მიერ დანიშნული კადრები არიან ეს ადამიანები და ვის დავალებებს ასრულებდნენ წლების განმავლობაში?
_ვის დავალებებს ასრულებდნენ ამას ნამდვილად ვერ გეტყვით, მაგრამ მჯერა, რომ უნარი და გამოცდილება აქვთ და გაართმევენ თავს ახლა თავის საქმიანობას. ადრე რას აკეთებდნენ მე არ ვიცი.
ერთი რამ მინდა იცოდეთ, რასაც ხმამაღლა ვაცხადებ, ნანა თავდუმაძე, ია დოლიძე, მაია ნარსია იქნება კი არა და ჩემი შვილიც რომ იყოს, ის ვინც თავის საქმეს და მოვალეობას პირნათლად არ შეასრულებს აქ, მეორე თვეში არავინ არ იქნება. ამის უფლება მე გამაჩნია, როგორც დავნიშნე ისე გავათავისუფლებ. შეიძლება სექტემბერში ამ კუთხით ბევრი ცვლილება დაგხვდეთ, საქმის არ შესრულების შემთხვევაში ეს ადამიანები აქ აღარ დაგხვდებათ.
