დღეს, ოზურგეთის მუნიციპალიტეტის საკრებულოს მორიგი სხდომა შედგა, რომელსაც 43 დეპუტატიდან, 36 ესწრებოდა.
დღის წესრიგით გათვალისწინებული თორმეტივე საკითხი, თემატიკიდან გამომდინარე, მეტ-ნაკლები ინტერესით განიხილეს.
პირველი საკითხის: "ოზურგეთის მუნიციპალიტეტის 2014 წლის ბიუჯეტის დამტკიცების შესახებ", ოზურგეთის მუნიციპალიტეტის საკრებულოს 2014 წლის 13 აგვისტოს დადგენილებაში ცვლილების შესახებ, საფინანსო-საბიუჯეტო სამსახურის უფროსმა, გია მამაკაიშვილმა ისაუბრა. მან განმარტა, რომ ბიუჯეტში ცვლილებების შეტანამ სისტემური ხასიათი მიიღო და ამიტომ ცდილობენ, მოძებნონ ოპტიმალური ვარიანტი.
"შემოსავლების ნაწილში ზრდამ საშუალება მოგვცა, შიშის გარეშე მოგვეხდინა კორექტირება – 82 ათასი ლარით გავზარდეთ შემოსავლები.
ასევე, 60 ათასი ლარით გაიზარდა ჯარიმებისა და საურავების შემოსავლები. 5 ათასი ლარი კი ურეკის საზაფხულო სეზონთან დაკავშირებულ, კულტურული ღონისძიებების პროგრამისთვის გათვალისწინებულ ხარჯებს დაემატა. (სულ 20 ათას ხუთასი ლარი)", _ თქვა მან.
შესყიდვების გეგმაში ცვლილების შესახებ, შესყიდვების სამსახურის უფროსმა, ამირან გირკელიძემ ისაუბრა:
"ადგილობრივი ბიუჯეტით გეგმაში საკანცელარიო საქონელი სამი ათასი ლარით, კულტურული ღონისძიებების ხარჯი ხუთი ათასი ლარით, ხოლო გამგეობის ერთიანი კომპიუტერული ქსელის მოწყობა 51 500 ლარით განისაზღვრა. ამირან გირკელიძემ განაცხადა ისიც, რომ ინფრასტრუქტურის სამსახური აუცილებლობად მიიჩნევს ლაზერული მანძილმზომის ყიდვას, რისთვისაც 1590 ლარია საჭირო. ამ მანძილმზომის საშუალებით აღნიშნული სამსახური ოპერატიულად და სწრაფად იმუშავებს", _ თქვა გირკელიძემ.
დღის წესრიგის მეექვსე და მეშვიდე საკითხები, რომელიც საკრებულოში ვებ-გვერდის დებულების დამტკიცებას, საჯარო ინფორმაციის გამოქვეყნების წესს და საჯარო ინფორმაციის ელექტრონული ფორმით მოთხოვნის სტანდარტის დამტკიცებასც შეეხებოდა, აზრთა სხვადასხვაობა გამოიწვია.
კერძოდ, დეპუტატმა ლელა საჯაიამ წინადადება წამოაყენა, რომ ინტერნეტზე ხელი არ მიუწვდება მოსახლეობის ძირითად უმრავლესობას და ამიტომ ბეჭდურ მედიაშიც უნდა გამოქვეყნდეს შესაბამისი ინფორმაციები, რაც ბევრისთვის იქნება ხელმისაწვდომი.
ოზურგეთის მუნიციპალიტეტის გამგებელმა, მერაბ ჭანუყვაძემ თავის მხრივ განმარტა, რომ ეს საკითხი არ არის სადავო, ვებ-გვერდზე გამოქვეყნების პარალელურად, ადგილობრივ გაზეთებში თანაბრად გადანაწილდება საჯარო ინფორმაციები და შეზღუდვა არ იქნება, რ
საბოლოოდ, "ოზურგეთის მუნიციპალიტეტის საჯარო ინფორმაციის პროაქტიული გამოქვეყნების წესის და საჯარო ინფორმაციის ელექტრონული ფორმით მოთხოვნის სტანდარტის დამტკიცების შესახებ" _ საკრებულოს დადგენილება მოცემული სახით დაამტკიცეს.
