" მე მქონდა საუბარი ჭიკაიძესთან, სანამ გაავრცელებდა განცხადებას. მან მომმართა თხოვნით, რომ დავაკმაყოფილო მისი განცხადება გადადგომის თაობაზე. მე მინდა გითხრათ, რომ ლექსომ კიდევ ერთხელ დაადასტურა, რომ არის ღირსებული ადამიანი, მოიქცა ისე, როგორც მოიქცეოდა ღირსეული პოლიციელი და ღირსეული ჯარისკაცი ჩვენი ქვეყნის.
ის ღირსეული ოჯახის, ღირსეული მამის შვილია და ის მოიქცა ისე, როგორც მას ეკადრებოდა, რათა საზოგადოებაში არ დარჩეს არც ერთი კითხვა, თუნდაც ის აბსურდული იყოს. ჩვენ სხვა სტანდარტები დავამკვიდრეთ ქართულ პოლიტიკაში.
ლექსომ დაადასტურა, რომ მისთვის თანამდებობა არ ყოფილა მთავარი. მისთვის მთავარია ემსახუროს ხალხს, ქვეყანას.
ასე გავაგრძელებთ მანამ, სანამ ვიქნებით ხელისუფლებში – ჩვენი მთავარი პრიორიტეტია ვემსახუროით ჩვენ ხალხს, ჩვენს ქვეყანას", _ ასე გამოეხმაურა ირაკლი ღარიბაშვილი ჭიკაიძის მიერ გავრცელებულ განცხადებას.
ღარიბაშვილის განცხადებით, ჭიკაიძის განცხადებას დააკმაყოფილებს.
პრემიერის განცხადებით აბსურდია, რომ "ლექსო ვიღაცას ლობირებდა":
_ დაახლოებით ვიცი ვინ ეს ცრუ ინფორმაცია მიაწოდა ბატონ იურის. სიმართლე გაირკვევა. გამოძიება დაადგენს ყველაფერს. ის ვიღაცა, ვინც ეს სასტიკი მკვლელობა ჩაიდინა დაისჯება ისე, როგორც ეკადრება, _ დასძინა ღარიბაშილმა.
