ინგლისური პრემიერ-ლიგის ერთ-ერთი გრანდის „მანჩესტერ სიტის“ გულშემატკივართა შორის გამოკითხვა „ვინ არის სიტის ყველა დროის საუკეთესო ფეხბურთელი?“ ტარდება. ჩვენთვის საამაყოდ ამ დროისთვის გამოკითხვაში აშკარა უპირატესობით ქართველი ფეხბურთელი გიორგი ქინქლაძე ლიდერობს. გამოკითხვას „მან სიტელთა“ სპორტული გამოცემა „manchestereveningnews.co.uk“ აწარმოებს და მასში მონაწილეობის მიღება ნებისმიერ მსურველს შეუძლია. ამ დროისთვის ქინქლაძეს ხმათა 68,4 % აქვს და დიდი უპირატესობით უსწრებს მანჩესტერელთა ისეთ სახელოვან ფეხბურთელებს, როგორებიც კუნ აგუერო, იაია ტურე, კოლინ ბელი და დავიდ სილვა არიან.
გამოკითხვაში მონაწილეობის მიღება ჩვენ მკითხველსაც შეუძლია – იხილეთ ბმული:
http://www.manchestereveningnews.co.uk/sport/yaya-toure-man-citys-greatest-ever-9572827
