თბილისის ყოფილი მერი გიგი უგულავა სასამართლო დარბაზიდან გაათავისუფლეს.
საქართველოს საკონსტიტუციო სასამართლოს მიერ გუშინ მიღებული გადაწყვეტილების თანახმად, ყველა ბრალდებული, რომლებსაც წინასწარი პატიმრობის ვადა 9 თვეზე მეტხანს გაუგრძელდა, უნდა გათავისუფლდეს.
უგულავას თბილისის საქალაქო სასამართლოს ეზოში თანაგუნდელები და მხარდამჭერები დახვდნენ. როგორც მან სასამართლოდან გამოსვლის სემდეგ განაცხადა, ბრძოლა თავისუფლებისთვის არ დასრულებულა და ის ამ ბრძოლას აუცილებლად გააგრძელებს.
"თუ გავითვალისწინებთ იმ სრულიად უმსგავსო საქციელს, რომელსაც ადგილი ჰქონდა საკონსტიტუციო სასამართლოში,
თუ გავითვალისწინებთ რამდენ უკანონობას მოაწერა პროკურატურამ ხელი, მივიჩნევ, რომ დღეს ბრძოლა ჩემთან მიმართებაშიც არ არის დამთავრებული. ივანიშვილი და მისი მთავრობა საკონსტიტუციო სასამართლოს გადაწყვეტილებას ვერ შეეგუება. გამოუვალი მდგომარეობა იყო დღეს სასამართლოში. მანამ, სანამ ყველა პოლიტპატიმარი არ დატოვებს სასამართლოებს, არ დასრულდება გაუგონარი პოლიტიკურ დევნა, მანამდე მოდუნების და ზეიმის უფლება არ გვაქვს. მინდა, მივმართო ივანიშვილს, ვიცი ძალიან კარგად, რომ მე ვიყავი მისი პირადი პატიმარი. შედიან საპატიმროში და დარწმუნებული ვარ მათაც ძალიან მალე გავათავისუფლებ. მან უნდა გააცნობიეროს ერთი რამ, ჩვენ ვართ პასუხისმგებლობის მქონე ხალხი, ვაპირებთ ეს ხელისუფლება არჩევნებში დავამარცხოთ. შეცვლიან საარჩევნო სისტემას, მათთვის კარგი, თუ არადა, ამ საარჩევნო სისტემით, რომლითაც ჩვენ 2012 წელს დავმარცხდით, „აბაროტს“ ავიღებთ და გავიმარჯვებთ.
მათთვის, ქართული სახელმწიფოსთვის იქნება კარგი შეწყვიტოს პოლიტიკური დევნა გამოუშვას პოლიტპატიმრები და მერე ყველანაირი ბერკეტით, რაღაც წესებზე შევთანხმდეთ და გავაგრძელოთ ბრძოლა.
საქართველოს სჭირდება ამ ადამიანის ჩამოშორება, სხვა გამოსავალი ჩვენს ქვეყანას არ აქვს. ყველაფრისთვის იყავით მზად, ესენი ჩასაფრდებიან და რევანშისთვის მოემზადებიან. მე არ მეშინია ამ რევანშის. მე ეს დრო გამოვიყენე ბევრი რამის გადაფასებისთვის, აღმოჩენისთვის. ბედნიერი ვარ რომ ამდენ ღირსეულ ადამიანს ვხედავ. ბრძოლას აუცილებლად გავაგრძელებთ“, _ განაცხადა უგულავამ.
