ფეხბურთის ფედერაცია კახა ცხადაძის ყოველთვიური ხელფასი 120 ათასი უჯდება. ხელზე ის 100 ათას ლარს იღებს და ალბათ, ამიტომ ამბობს, რომ 120 ათასი ზუსტი თანხა არაა, _ ამის შესახებ გადაცემა 2030-ში სტუმრობისას ფეხბურთის ფედერაციის ვიცე პრეზიდენტმა, კახა ჭუმბურიძემ განაცხდა.
მისივე თქმით, ფედერაციის ახალი გუნდი რეფორმებზეა ორიენტირებული. გვინდა, რომ აქამდე არსებული სისტემა შევცვალოთ. ერთ-ერთი საკითხი კი, სახელფასო ფონდების გადახედვაა
"კობიაშვილმა ცხადაძეს 50 ათასი ლარის ოდენობის ხელფასი შესთავაზა. იმ შემთხვევაში, თუ ის მინიმუმ პროგრამას მიაღწევდა, ანუ, მესამე ადგილს, ხელფასის მაქსიმუმს აიღებდა. ხოლო თუ ნაკრები ორ გუნდს შორის მოხვდებოდა, რომელიც მსოფლიო ჩემპიონატზე გასვლის საშუალებას მოგვცემდა, ორი წლის განმავლობაში, დამატებით, თვეში 50 ათასს აიღებდა. ახლა გადათვალეთ, რა ასტრონომიულ თანხაზე შეიძლება გასულიყო.
თუ ნაკრებს შედეგი აქვს, მწვრთნელს ეს ანაზღაურება ეკუთვნის, მაგრამ სანამ შედეგს არ მიაღწევს, ამხელა ხელფასი რატომ უნდა ჰქონდეს, არ მესმის.
ფეხბურთის ფედერაციას მისი ყოველთვიური ხელფასი 120 ათასი უჯდება. ხელზე ის 100 ათას ლარს იღებს და ალბათ, ამიტომ ამბობს, რომ 120 ათასი ზუსტი თანხა არაა. კარგი იქნებოდა, ეთერში ერთად დავმსხდარიყავით.
თუმცა, მან დებატებზე უარი განაცხადა. ფედერაციის ახალი გუნდი რეფორმებზეა ორიენტირებული. გვინდა, რომ აქამდე არსებული სისტემა შევცვალოთ. ერთ-ერთი საკითხი კი, სახელფასო ფონდების გადახედვაა“,-აღნიშნა ჭუმბურიძემ.
ჭუმბურიძის ინფორმაციით, მწვრთნელების დანიშვნასა და მათ ხელფასებზე გადაწყვეტილებას, მხოლოდ და მხოლოდ, ფედერაცია იღებს.
„ცხადაძის განცხადებებით გამოდის, რომ ლევან კობიაშვილი გადაწყვეტილებებს დამოუკიდებლად ვერ იღებს. მას ვიღაცებისკენ ხელის გაშვერა ახასიათებს.
ბაქოში მუშაობის დროსაც ამბობდა, რომ მის საქმეში ერევიან და ებრძვიან. ხელს ხან მსაჯებისკენ იშვერდა, ხან მწვრთნელებისკენ და ხან -პრეზიდენტებისკენ“,-აღნიშნა ჭმუბურიძემ.
მისივე თქმით, კახა ცხადაძის მხრიდან სპორტის სამინისტროს დადანაშაულება არასწორია.
„ცხადაძე ძალიან ცუდად მოიქცა, რომ საჯაროდ ამაზე საუბარი დაიწყო. რითაც, თავის თავი დააზარალა. ივნისის შემდეგ, სამინისტროს მთავარი მწვრთნელისთვის ხელფასი არ გადაუხდია. მას ამ ხელფასს ფეხბურთის ფედერაცია უხდის. ასე რომ, სამინისტროს დადანაშაულება არალოგიკურია.
ესაა წინასწარ თავის დაზღვევა იმის გამო, რომ ხელფასის დაკლება არ უნდა. თურმე, ბანკში რაღაცები ჰქონია ჩადებული. მთელს საქართველოს რაღაც აქვს ბანკში ჩადებული და წარმოიდგინეთ, ყველა რომ მივიდეს სამსახურში და ამის გამო, ამდენი თუ იმდენი ხელფასი მოითხოვოს“, _ განაცხადა ჭუმბურიძემ.
მისივე ინფორმაციით, კონტრაქტში არის პუნქტი, სადაც ნათლად წერია, რომ ფედერაციას შეუძლია, ნაკრების მწვრთნელის გამოსვლები შეაფასოს და ხელშეკრულებას თუ ხელფასს ცალმხრივად გადახედოს.
"დარღვევას ადგილი არ ჰქონია. არ მესმის, ცხადაძემ ეს ყველაფერი პოლიტიკურ ჭრილში რატომ გადაიყვანა?! მით უმეტეს მაშინ, როცა კობიაშვილი თბილისში არ იმყოფება. ან ხელს რატომ იშვერს მინისტრისკენ, რომელსაც ქართული ფეხბურთისთვის კარგის მეტი არაფერი გაუკეთებია?!
მეც გამრია, ამბობს, თითქოს ვებრძვი",-აცხადებს ჭუმბურიძე.
წყარო: www.2030.news
