დღეს გურიის გუბერნატორმა გია სალუქვაძემ მოადგილეებთან ერთად სამუშაო შეხვედრა გამართა და დიდთოვლობის დროს გაწეული კოლოსალური შრომისთვის მუნიციპალიტეტების შესაბამის სამსახურებს მადლობა გადაუხადა.
გია სალუქვაძემ რეგიონში დიდთოვლობის შედეგები შეაჯამა და მუნიციპალიტეტების ხელმძღვანელებისგან დეტალურად მოისმინა ინფორმაცია ამჟამად არსებული ვითარების შესახებ. გუბერნატორმა განსაკუთრებით ხაზი გაუსვა ჩოხატაურის მუნიციპალიტეტის ზემოსურებში ჩამოწოლილი მეწყერის შედეგად შესაბამისი სამსახურების ეფექტურ მუშაობას.
როგორც შეხვედრაზე აღინიშნა, რეგიონის მასშტაბით ყველა ცენტრალური, სოფლამდე მისასვლელი და შიდა გზა გაწმენდილია.
"მინდა მადლობა გადავუხადო რეგიონის მაჟორიტარ დეპუტატებს – ზვიად კვაჭანტირაძეს, თემურ ჭკუასელსა და თემურ ჩხაიძეს. მთავრობის ადმინისტრაციის რეგიონებთან და ადგილობრივ თვითმმართველ ორგანოებთან ურთიერთობის დეპარტამენტის ხელმძღვანელს გიორგი ამაშუკელს, ამავე დეპარტამენტის კოორდინაციის სამსახურის უფროსს გიორგი როინიშვილს, რომლებიც პირველივე წუთებიდან ადგილზე ეცნობოდნენ შექმნილ ვითარებას. მათ დახმარება მაქსიმალურად აღმოგვიჩინეს. განსაკუთრებული მადლობა სამაშველოს ხელმძღვანელს პაატა ლომთაძეს, საპატრულოს, გარემოს დაცვის, ეკონომიკის, ინფრასტრუქტურის, სოფლის მეურნეობის სამინისტროებს, "ენერგო-პროჯორჯიას," "სოკარგაზისა“ და "წყალმომარაგების კომპანიის" წარმომადგენლებს ადგილობრივ ხელი სუფლებასთან ერთად კოორდინირებული მუშაობისთვის.
ასევე, მინდა მადლობა გადავუხადო სამეგრელოსა და იმერეთის გუბერნატორებს, ჩემს მოადგილეებს, მედიის წარმომადგენლებს, სამხარეო ადმინისტრაციის თანამშრომლებს, მერს, გამგებლებს, სპეცტექნიკის მექანიზატორებს, მუნიციპალიტეტების სამსახურებს, რომლებიც 24 საათიან რეჟიმში მუშაობდნენ და ოპერატიულად მოქმედებდნენ.
ჩვენ, ყველამ გუნდურად შევძელით დროულად მოგვეხდინა რეაგირება საგანგებო შტაბებში შემოსულ თითოეულ შეტყობინებაზე. მაქსიმუმი გავაკეთეთ იმისთვის, რომ პირველ რიგში, ჩვენს მოქალაქეებს გადაადგილების მხრივ პრობლემები არ შექმნოდათ,"- განაცხადა გია სალუქვაძემ.
შეხვედრაზე თავის მხრივ მუნიციპალიტეტების ხელმძღვანელებმა გუბერნატორს თანადგომისა და გაწეული მუშაობისთვის მადლობა გადაუხადეს. რეგიონში ისევ უამინდობაა, წვიმისა და ქარის გამო სტიქიასთან ბრძოლის მუდმივმოქმედი საგანგებო შტაბი მუშაობას კვლავა გრძელებს.
(R)
