დღეს, რიო დე ჟანეიროში მიმდინარე ოლიმპიადაზე, ძიუდოისტთა ტურნირში წარმატებით ჩაება ქართველი ძიუდოისტი ბექა ღვინიაშვილი (100), რომელიც მერვედფინალში გავიდა.
20 წლის ღვინიაშვილი, რომლისთვისაც ეს ოლიმპიადა სადებიუტოა, პირველ წრეში ისვენებდა. მეორე წრეში ის ბრიტანელ ბენჯამენ ფლეტჩერს შეხვდა და სუფთად გაიმარჯვა. ბექამ მეტოქე ჯერ ვაზარზე დააგდო, შემდეგ კი შებოჭა.
ქართველი სპორტსმენი მერვედფინალში ბელგიის წარმომადგენელ ტომა ნიკიფოროვს შეხვდება.
