დღეს, ოზურგეთის მუნიციპალიტეტის საკრებულოს სხდომაზე ხუთი საკითხი განიხილეს, რომელთაგან კითხვები მეორე საკითხის: „ოზურგეთს მუნიციპალიტეტის 2016 წლის ბიუჯეტის შესრულების ანგარიშის შესახებ“, ოზურგეთის მუნიციპალიტეტის საკრებულოს განკარგულების მიღების თაობაზე“ _ ირგვლივ დასვეს დეპუტატებმა "ნაციონალური მოძრაობიდან".
საკითხი წარმოადგინა საფინანსო სამსახურის უფროსმა გია მამაკაიშვილმა.
საკრებულოს წევრი "ნაციონალი" დეპუტატი დავით მჟავანაძე დაინტერესდა, 2016 წლის ბიუჯეტში რატომ დარჩა 4 მილიონი ლარის ოდენობის ნაშთი და დასვა კითხვა, რით არის გამოწვეული ამხელა სხვაობა დაგეგმილ ბიუჯეტსა და საბოლოო შედეგს შორის.
მომხსენებელმა გია მამაკაიშვილმა განაცხადა, რომ დოკუმენტში პირველივე გვერდზე არის ჩამონათვალი, რა გადმოვიდა ნაშთის სახით. კერძოდ, ოზურგეთის მუნიციპალიტეტის საბიუჯეტო სახსრების ნაშთმა 2017 წლის 1 იანვრის მდგომარეობით შეადგინა სამი მილიონ 905653, 48 ლარი. აქედან თავისუფალი ნაშთი არის ორი მილიონ 628573,05 ლარი.
გია მამაკაიშვილმა განმარტა, რომ ამ თავისუფალი ნაშთის გარდა, დანარჩენი იყო მთავრობის განკარგულებით დაგროვილი თანხები და შესაბამისად _ არსებობს ვალდებულებები. ეს არის რეგიონული და სოფლის პროექტების, ასევე სტიქიით დაზარალებულთათვის მიმართული თანხები, რაც საქართველოს მთავრობის განკარგულებით გადმოვიდა ნაშთის სახით.
მამაკაიშვილმა ცალკე ისაუბრა გარდამავალი პროექტების შესახებ, რასაც საქართველოს მთავრობისავე განკარგულებით გამოყოფილი თანხის ნაშთიდან 200000 ლარი მოხმარდება. ეს არის ინფრასტრუქტურის სამუშაოები, საკანალიზაცო და წყლის მომარაგების სისტემების გაყვანა და მოწესრიგება. ერთ-ერთი ასეთია კურორტ გომისმთის წყლის მომარაგების სისტემა.
_ ყოველივე აქედან გამომდინარე, ოზურგეთის მუნიციპალიტეტის 2017 წლის დამტკიცებულ ბიუჯეტში ცვლილება ასეთი სახის იქნება _ სულ შემოსავლების ნაწილში და გადასახდელების ნაწილში სახსრები გაიზრდება სამი მილიონ 905653,48 ლარით, _ თქვა გია მამაკაიშვილმა.
დეპუტატმა დავით მჟავანაძემ ნაშთის ჩაშლილი სახით წარმოდგენისა და განმარტებისთვის გია მამაკაიშვილს მადლობა მოუხადა.
დეპუტატებმა კი აღნისნულ საკითხს კენჭი უყარეს და ხმა მისცეს განკარგულების წარმოებაში მიღებას.
საკრებულოს სხდომის დღის წესრიგის დანარჩენი ოთხი საკითხი ეხებოდა, საკრებულოსთან არსებული კომისიების მიერ, 2016 წელს განვლილი მუშაობის ანგარიშს, რაც მოსმენის რეჟიმით წარიმართა და კითხვები ამ მხრივ არ დასმულა.
