ლვოვში მცხოვრებმა მიხეილ სააკაშვილის თანაპარტიელებმა კრაკოვეცში მის დახვედრაზე უარი განაცხადეს. ამის შესახებ ინფორმაცია „ფეისბუქის“ საშუალებით „ახალ ძალთა მოძრაობის“ ლვოვის განყოფილების კოორდინატორმა ვასილი კურიმ გააკეთა.
მისი თქმით, იქიდან გამომდინარე, რომ არ შეუძლია, საკუთარ თავზე აიღოს სააკაშვილის დასახვედრად დაგეგმილ აქციაში მონაწილე პირთა უსაფრთხოების გარანტია, ამიტომ პარტიის ლვოვის განყოფილების საბჭომ მიიღო გადაწყვეტილება კრაკოვეცში სააკაშვილის დახვედრაში მონაწილობაზე უარი თქვას.
„შაბათს ე.წ. ბანაკი მოვაწყეთ გამშვები პუნქტიდან 200 მეტრში და მისი ხელმძღვანელი გახლდით. თუმცა საღამოს ლვოვის პოლიციის განყოფილების უფროსმა შემატყობინა, რომ ბანაკისკენ დაიძრა საავტომობილო კოლონა, რომელშიც მისივე ცნობით, არის იარაღი. მე ამის შესახებ ინფორმაცია მივაწოდე პარტიის ლიდერებს. ამის შემდეგ დეპუტატმა დერევიანკომ გასცა განკარგულება, რომ ეს მანქანები შეემოწმებინათ და არ დაეშვათ იარაღის ბანაკში მოხვედრა. მას შემდეგ რაც პოლიციამ და ბანაკის ხელმძღვანელებმა კოლონა გააჩერეს, პარტიის ერთ-ერთმა ლიდერმა დავით საყვარელიძემ მე ბანაკის ლიდერობიდან ჩამომაშორა“, – წერს სოციალურ ქსელში ვასილ კური.
კურის თქმით, სწორედ ამის შემდეგ მან მიიღო გადაწყვეტილება, რომ „ახალ ძალთა მოძრაობის“ ლვოვის განყოფილება მიხეილ სააკაშვილის დახვედარაში მონაწილეობას არ მიიღებდა.
1tv.ge
