ამ წუთებში ხანძარია თბილისში, ნუცუბიძის მე-2 მიკრორაიონში. როგორც „გურია ნიუსს“ საგანგებო სიტუაციების მართვის სამსახურში განუცხადეს, ცეცხლი 4 სართულიანი საცხოვრებელი შენობის პირველ და მეორე სართულებს უკიდია. მათივე ინფორმაციით, ხანძრის შედეგად დაშავებულები არ არიან. წინასწარი ინფორმაციით, დამწვარია 150 კვ.მ. შემთხვევის ადგილზე 9 სახანძრო-სამაშველო ჯგუფი მუშაობს. ხანძარი ამ დროისთვის ლოკალიზებულია.
