მიხეილ გრიგორაშვილი (1888–1953) დაიბადა დერბენტში, რუსეთში, მასწავლებლის ოჯახში. სანკტ პეტერბურგის გიმნაზიის დამთავრების შემდეგ ჩააბარა იმპერატორ ალექსანდრე პირველის სახელობის საინჟინრო ინსტიტუტში. სასწავლებელში დაინტერესდა ავიაციით. 1908 წელს რუსეთში პირველი აეროკლუბის შექმნის ერთ-ერთი ინიციატორი იყო. მოგვიანებით კვალიფიკაციის ასამაღლებლად ის გაგზავნეს საფრანგეთში, სადაც 1911 წელს მიიღო მოწმობა და გახდა რუსეთის ერთ-ერთი პირველი პილოტი. რუსეთში დაბრუნების შემდეგ საფრენ სკოლაში ერთ-ერთ პირველ ინსტრუქტორად მუშაობდა, ასევე მონაწილეობდა იმპერიის სხვადასხვა ქალაქებში საჩვენებელ ფრენებში. ამასთან ის მუშაობდა როგორც კონსტრუქტორი და ხვეწდა საკუთარ სპეციალობას. სხვადასხვა მონაცემებზე დაყრდნობით, მან შექმნა პირველი რუსული თვითმფრინავი Россия-Б. პირველ მსოფლიო ომის დროს გრიგორაშვილი ავიამშნებელ ქარხნებში მუშაობდა, სადაც ამზადებდა დეტალებს და ცდიდა საავიაციო მოწყობილობებს. სწორედ მისი დამსახურებაა, რომ რუსეთის საჰაერო ავიაცია სხვადასხვა მნიშვნელოვანი დეტალების ნაკლებობას არ განიცდიდა. რევოლუციის შემდეგ ის ეცადა ეთანამშრომლა ახალ რეჟიმთან, მაგრამ მალე პეტროგრადის დატოვება მოუწია. ის გადავიდა თბილისში, სადაც გზების სამინისტროში ინჟინრად მუშაობდა. ბოლშევიკების შემოსვლის შემდეგ გრიგორაშვილი ემიგრაციაში აშშ-ში წავიდა. თავდაპირველად ის როდ აილენდში პატარა საავაიაციო ქარხანაში მუშაობდა, სწორედ იმ ხანებში შეამოკლა საკუთარი გვარი. გახდა გრეგორი, 1921 წელს მან დაიწყო მოღვაწეობა კომპანიაში Dayton-Wright, ხოლო 1923 წელს გრეგორი გახდა ავიაკონსტრუქტორი ერთ-ერთ ყველაზე მძლავრ ამერიკული ფირმისა Curtiss-Wright, სადაც მიიღო მონაწილეობა თვითმფრინავების შექმნაში.
ორი წლის შემდეგ კი ის გახდა ფირმა ბედის მთავარი კონსტრუქტორი, მაგრამ დიდი დეპრესიის შედეგად საწარმო გაკოტრდა და მან მუშაობა მისი ნაცნობის პროკოფიევ-სევერსკის ქარხანაში Seversky Aircraft-ის მთავარი კონსტრუქტორის მოადგილედ დაიწყო. გრეგორმა რამდენიმე თვითმფრინავის მოდელის შექმნასა და მოდიფიკაციაში მიიღო მონაწილეობა. სვერსკისთან უთანხმოების შემდეგ 1934 წელს მან საკუთარი ფირმა Gregor Aircraft დაარსა, მაგრამ შეკვეთები ძალიან მცირე მოცულობის იყო და ცოტა ხანში კანადური ფირმის Car and Foundry მიწვევით გადასახლდა კანადაში. იქ მას მიეცა საშუალება შეექმნა გამანადგურებლი FDB-1, ასევე სხვა მნიშვნელოვანი პროექტები. გრეგორი იქცა კანადის საჰაერო მრეწველობის პიონერად. მეორე მსოფლიო ომის შემდეგ ის ისევ განაგრძობდა აქტიურ მუშაობას და კანადის ავიაწარმოებაში. გრეგორი გარდაიცვალა ნიუ ჯერსის ქალაქ ტრენტონში.
