წელს უკვე მეთერთმეტედ უმასპიძლა ბათუმმა საერთაშორისო ტურნირს _ „ოუფენ ბათუმი“. ტუნირი აჭარის მთავარ ქალაქში 10-11 ივლისს აჭარის კარატეს ფედერაციის ორგანიზებით გაიმართა და მასში რამდენმე ქვეყნის სხვადასხვა წონისა და ასაკობრივი კატეგორიის ასეულობით სპორტსმენი იყო ჩართული, მათ შორის ლანჩხუთის სპორტული ცენტრის აღსაზრდელებიც.
საბოლოო შედეგების მიხედვით, გურული კარატისტებისთვის წარმატებული გამოდგა ბათმური ტურნირი. ლანჩხუთელმა სპორტსმენებმა, ჯამში, 14 სხვადასხვა სინჯის მედლის აღება შესძლეს.
პირველი საპრიზო ადგილი და შესაბამისად, ოქროს მედალი მიითვალეს საკუთარ აქტივში მარიამ ღლონტმა და დათო ჩხაიძემ. ვერცხლის მედალოსნობა ერგოთ: სანდრო სამსონიას, დაჩი ბერიძეს, ია ღლონტსა და ლაშა კოსტავას. ცოტნე ხოფერია, ნინი შაინიძე, ელენე კუნჭულია, საბა ღლონტი, ზურა ბერიძე, გიორგი ზეაიშვილი, ზურა ლომაძე, ავთო ჩხარტიშვილი კი მესამე საპრიზო ადგილს დასჯერდნენ.
