უხანის ვირუსოლოგიის ლაბორატორია, კორონავირუსის კრიზისის ეპიცენტრშია. აშშ-ი ირწმუნება, რომ ლაბორატორია შეიძლება იყოს პანდემიის აკვანი. ამერიკის სახელმწიფო მდივანი მაიკ პომპეო აცხადებს, რომ აშშ-ს ოფიციალური პირები აკეთებენ “სრულ გამოძიებას” იმის შესახებ, თუ როგორ გაჩნდა ვირუსი მსოფლიოში.
,,FOX NEWS”-ის წყარო ამბობს, რომ უხანის ბაზრობაზე, სადაც თავდაპირველად ვირუსი გამოვლინდა, ღამურები არსდროს იყიდებოდა, წყაროს თქმით, ჩინეთის მთავრობამ სპეციალურად გადაიტანა ყურადღება ბაზრობაზე, როგორც ვირუსის წარმოშობის ადილზე.
ჩინელი მეცნიერები ამტიკცებენ, რომ ვირუსი ცხოველიდან ადამიანზე გადავიდა, ასევე ჩინეთის საგარეო უწყებამ განაცხადა, რომ არ არსებობს იმის მტკიცებულება, რომ ვირუსი ლაბორატორიაში შეიქმნა.
ასევე, ქალაქში ლაბორატორიის არსებობამ ხელი შეუწყო თეორიას, რომ ვირუსი სწორედ დაწესებულებიდან გავრცელდა.
რაც შეეხება ლაბორატორიას, ის ჩინეთის ერთ-ერთი უმსხვილესი ვირუსოლოგიის ინსტიტუტია, ჩინეთის მეცნიერებათა აკადემიის დაქვემდებარებაშია, რომელიც ქალაქ უხანის გარეუბანში, მთის ძირას მდებარეობს. 3000 კვ/მ-ზე მდებარე 300 მილიონის იუანის(42 მილიონი აშშ დოლარის) ღირებულების ლაბორატორიის მშენებლობა 2015 წელს დასრულდა, ხოლო 2018 წელს გაიხსნა. მშენებლობას, ფრანგული ბიოსინთეზური ფირმის დამფუძნებელი, ალენ მერიურე უწევდა კონსულტაციას.
ის აზიაში უმსხვილესი ვირუსოლოგიის ბანკია, სადაც 1500-ზე მეტი შტამი და ვირუსების კულტურის კოლექციაა განთავსებული. ინსტიტუტს, ასევე აქვს P3 ლაბორატორია, რომელიც 2012 წლიდან ფუქციონირებს.
კომპლექსი დაცულია აზიაში ნომერი პირველი, მაქსიმალური უსაფრთხოების სისტემებით.
2017 წლის იანვარში ინსტიტუტის ლაბორატორიამ მიიღო სერტიფიკატი, რომლის მიხედვითაც აქ ნებადართულია მუშაობა ნებისმიერ პათოგენზე, მათ შორის არის ებოლასა და მარბურგის ვირუს, რომლებიც ადამიანებზე გადაცემის დიდ რისკს წარმოადგენს. შესაბამისად, უხანის ვირუსოლოგიის ინსტიტუტი გახდა პირველი კვლევითი დაწესებულება, რომელმაც ჩინეთში უსაფრთხოების BSL-4-ის პირველი კლასის სერტიფიკატი მიიღო.
როგორც ჟურნალი ,,NATURE” წერს 2025 წლისთვის ჩინეთის ხელისუფლება კიდევ 6-7 მსგავსი ლაბორატორიის მშენებლობას გეგმავს.
,,გურია ნიუსი“ გთავაზობთ უჰანის ვირუსოლოგიიის ინტიტუტის ლაბორატორიის ფოტორეპორტაჟს, რომელიც იტალიურმა გამოცემამ “tgcom24“ გამოაქვეყნა.
