ლიდერად მოაზროვნეებს შორის დავასახელებთ ქალწულს. ქალწულთან პლანეტა მერკური მთელი თავისი დიდებულებით ვლინდება. ის ამ ნიშნის ხალხს აჯილდოებს დედუქციის უნარით, დაკვირვებულობით, გასაოცარი ანალიტიკური ხედვით და სიბეჯითით, რაც, არაჩვეულებრივი ფუნდამენტია სამომავლოდ მყარი ცოდნის მისაღებად. ასე რომ, ყველაზე ჭკვიანთა საპატიო პირველ ადგილს ქალწულებს ვუთმობთ.
მეორე ადგილზე, რაც უნდა გაგიკვირდეთ, ლომები ნომინირებენ. ლომის ზოდიაქოს მმართველი პლანეტა მზეა, ამიტომ ლომები ბუნებით ეპატაჟური ნატურები არიან, რაც თავისთავად ნიშნავს იმას, რომ მათ ძალიან მოსწონთ საზოგადოებაში საკუთარი იმიჯის კარგი კუთხით წარმოჩენა.
ამას გარდა, ლომი ცეცხლის ნიშნებს შორის ყველაზე დინჯი, გაწონასწორებული და წინდახედულია, რის ხარჯზეც იგი იშვიათად ჰყვება იმპულსებს და დინჯად შეუძლია, აწონ-დაწონოს ნებისმიერ სიტუაციაში მოვლენის პლუსები და მინუსები. ლომი სამეფო ნიშანია, მას ორგანიზატორული უნარი გააჩნია. ამიტომ მასშტაბურად ფიქრიც კარგად გამოსდის.
