რა შეზღუდვები მოქმედებს კორონავირუსის გამო დღეისთვის საქართველოში

საქართველოს ტერიტორიაზე, კორონავირუსის გამო, დღეისთვის მოქმედებს  შეზღუდვები:

_ დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;

_ საზოგადოებრივ ტრანსპორტში აკრძალულია პირბადის გარეშე ყოფნა და კონდიციონერების ჩართვა;

_ ტაქსის მძღოლმა აუცილებლად უნდა ატაროს პირბადე და გადაიყვანოს მხოლოდ უკანა სავარძელზე მჯდომი ორი მგზავრი;

_ დახურულ სივრცეებში აკრძალულია კულტურული და სპორტული ღონისძიებების გამართვა;

_ კაზინოების და ტოტალიზატორების მუშაობა შესაძლებელია მხოლოდ ონლაინ;

_ აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);

_ დისტანციურად ტარდება ყველა სახის ტრენინგი, კონფერენცია და სემინარი;

_ უნივერსიტეტებში სასწავლო პროცესი დისტანციურად ხორციელდება;

_ ადამიანების თავშეყრის ადგილებში აკრძალულია ისეთი კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს და ჰაერი შენობაში გარედან შეაქვს.