“ვერ წარმომიდგენია, რომ კარანტინში მყოფ პირებს რამენაირად შეეზღუდოთ ხმის მიცემის უფლება”

საარჩევნო ადმინიტრაციის მოწოდება არის, რომ ყველა ამომრჩეველს მაქსიმალურად ჰქონდეს თავისი კონსტიტუციური უფლება და არსებული პანდემიური სიტუაციის გათვალისწინებით ვეცდებით, რომ ყველა ამომრჩეველს თავისი უფლების რეალიზებაში ხელი შევუწყოთ, – ამის შესახებ ცენტრალური საარჩევნო კომისიის თავმჯდომარემ, თამარ ჟვანიამ „ქრონიკაში“ განაცხადა.

„ვერ წარმომიდგენია, რომ კარანტინში მყოფ პირებს რამენაირად შეეზღუდოთ ხმის მიცემის უფლება და ყველაფერი უნდა გავაკეთოთ, რომ ადამიანებმა არჩევნებში მონაწილეობა შეძლონ“, _ განაცხადა თამარ ჟვანიამ.

საქართველოში საპარლამენტო არჩევნები 31 ოქტომბერს ჩატარდება.