ოზურგეთელმა მომღერალმა რეზო ხომერიკმა დროებით თავის პროფესიას თავი დაანება და ბათუმის რესპუბლიკური საავადმყოფოში ეხმარება მედიცინის მუშაკებს.
„ვფიქრობ ყველა უნდა ვიცნობდეთ ამ ადამიანს. ეს არის რეზი/რევაზ ხომერიკი, რომელიც მუშაობს ახალ რესპუბლიკურ საავადმყოფოში, კოვიდ განყოფილებაში, სადაც ზრუნავს დაავადებულთა კვებაზე, რეზი თავის საქმეს პირნათლად ასრულებს. ის ძალიან თბილი, ყურადღებიანი და თავისი საქმის პროფესიონალი ადამიანია. ერთი ნახვით შეაყვარა ყველას თავი. მოგეხსენებათ კოვიდ 19-მა ზოგიერთი ადამიანის ცხოვრება რადიკალურად შეცვალა, იგივეს ვიტყოდი რეზიზეც, იმიტომ რომ ის ერთ-ერთი საუკეთესო მომღერალია, თუმცა ახლა ის ადამიანების ჯანმრთელობასა და ჯანსაღ კვებაზე ზრუნავს. ბათუმის ერთ-ერთ რესტორანში მომღერლად მუშაობდა, ამასთანავე არა ერთ მუსიკალური შოუს სცენას ამშვენებდა, ბულბულივით მოჭიკჭიკე ადამიანი ახლა სხვების დასახმარებლად ოზურგეთიდან ბათუმში ჩამოვიდა. თავისი სიცოცხლის ფასად სხვების სიცოცხლეზე ზრუნავს, მოგეხსენებათ რამდენად საშიშია ეს ვირუსი და რამდენად მაღალია სხვებზე გადაცემის რისკი, ზუსტად ამიტომაც მინდა იცნობდეს რეზის, რომელიც წამითაც არ დაფიქრებულა ამ სამსახურზე და ახლა სხვებზე ისე ზრუნავს, როგორც საკუთარ ოჯახის წევრებზე! მადლობა რეზი!“ – წერს სოციალური ქსელის მომხარებელი ნონა მჟავანაძე.
