„ფოთის თეატრი მორყეულია შინაგანად და გარედანაც. ბევრ ქალაქში გარემონტდა თეატრის შენობა და კარგად ვიცით ვინც გააკეთა, ქართუ ჯგუფმა. რა დააშავა ფოთის თეატრმა აქამდე, რომ არაფერი ეშველა? შეუძლებელია თეატრის შენობაში რამე გააკეთო. ის რაც ვითომ გააკეთეს, უგულოდ და უპასუხისმგებლოდ არის გაკეთებული, რასაც ჩვენი თანამშრომლის სიცოცხლეც კი შეეწირა. თეატრის არსებობა ქალაქის კულტურულ ცხოვრებაზე მეტყველებს, მხოლოდ ჩვენ მსახიობებს კი არ გვჭირდება, არამედ ფოთის მოსახლეობას სჭირდება თეატრი,”– ამბობს კინოს და თეატრის მსახიობი ჯანო იზორია.
ფოთის თეატრის მშენებლობა 2005 წელს დაიწყო მას შემდეგ, რაც თეატრის ყოფილი შენობა საკათედრო ტაძარს გადაეცა. ვადების რამდენჯერმე გადადების შემდეგ, მშენებლობა 2012 წელს დამთავრდა, თუმცა დასრულებული სახე მხოლოდ ორი წლის შემდეგ მიიღო. თეატრის ახალი შენობა 2014 წლის 31 მაისს საზეიმოდ გაიხსნა. თუმცა ერთ თვეში შენობა წვიმამ დააზიანა. თეატრის შენობა დღემდე ავარიულ მდგომარეობაშია და სრულ რეაბილიტაციას საჭიროებს.
ჩვენთან საუბრისას ფოთის თეატრის სამხატრო ხემლმძღვანელი რამაზ იოსელიანი ამბობს, რომ პატრონი არ ყავს ქალაქს და თეატრს. ის დიდი იმდედით და სულმოუთქმენლად ელოდება ახალ კულტურის მინისტრს.
„გავიგეთ თეა წულუკიანი მოდის კულტურის მინისტრად, გაიყოფა ჩვენი სამინისტრო. მერე ალბათ გვეშველება რამე, თუ შეიცვალა მინისტრი. მანამდე ჩვენი პატრონი არავინ არაა. მარტო ჩვენ ვყვიროდით და ჩვენც არ გვაქცევდნენ ყურადღებას. არავის არ გაუკონტროლებია სარემონტო სამუშაოების პროცესი ნორმალურად.“
მისივე თქმით პირველ ეტაპზე ჩატარებული სარემონტო სამუშაოები არის გაკეთებული უხარისხოდ და ხელმეორედაა ჩასატარებელი. ასევე რამაზ იოსელიანი აღნიშნავს იმასაც , რომ დასი მუშაობას მაინც განაგრძობს და ამზადებს რამდენიმე სატელევიზიო ახალ ზღაპარს. „მაინც გამოვალთ მშვიდობით.მე პირადად იმედი მაქვს ახალი მინისტრის. იმან მაინც გვიშველოს, სხვანაირად არაფერი არ გვეშველება.
თეატრის დირექტორი თენგის ხუხია საუბრობს სარემონტო სამუშაოების ტენდერზე, რომელიც ფოთის მუნიციპალიტეტის მერიამ გამოაცხადა. შესასრულებელი სამუშაოები იყო დაყოფილი ეტაპებად.
„პირველი ეტაპის სამუშაოები ჩატარდა. ახლა არის გამოცხადებული ტენდერი მეორე ეტაპის შესასრულებელ სამუშაოების პროექტირებაზე. როგორც კი დაიდება პროექტი და შესაბამისი ხარჯთაღრიცხვა ალბათ კიდევ გამოცხადდება ტენდერი და კიდევ ვიღაც მოიგებს. იმედი მაქვს ამ ეტაპზე მაინც კვალიფიციური მშენებლები მიიღებენ მონაწილეობას. თუმცა პირველ ეტაპზე ჩატარებული სამუშაოები რამდენიმე დღის წინ კიდევ დავათვალიერეთ. შეუძლებელია ამას ნორმალური თვალით შეხედო. ინფაქტი შეიძლება მიიღოს ადამიანმა ვინც ოდნავ მაინც არის შეხებაში თეატრის შენობასთან. მშენებლებს აქვთ პირობებში ჩადებული პუნქტი, რომ ვალდებულები არიან გამოასწორონ შეცდომები. მაგრამ რაც ვნახეთ მაგას გამოსწორება არ ჰქვია, თავიდან არის გასაკეთებელი.“
თენგიზს ხუხიას თქმით, თეატრი ამ ეტაპზე ონლაინ აიგრძელებს მუშაობას და რეალურად შენობასთან შეხება არ აქვს. სამხარაულის ექსპერტისზის დასკვნის თანახმად შენობის ექსპლუატაციაში მიცემა ვერ მოხდება, რადგან სარემონტო სამუშაოების ჩატარებამდე სიცოცხლისთვის საფრთხის შემცველია.
ფოთის თეატრის მშენებლობა ცხრა წლის განმავლობაში მიმდინარეობდა, რისთვისაც დაახლოებით 12 მილიონი ლარი დაიხარჯა. თუმცა, თეატრის მშენებლობიდან დღემდე 16 წელი გავიდა და დღესაც შენობა ავარიულ მდგომარეობაშია.
